Երևանի երկաթուղային կայարան

Շենքի նախագծումը սկսվել է 1947 թվականին՝ Անդրկովկասի երկաթուղու վարչության եւ Թբիլիսիի «Կովտրանսպրոյեկտ» նախագծային կազմակերպության հանձնարարությամբ: Աշխատանքային գծագրերի վերջնական փուլը մշակվել է Երեւանում՝ «Հայպետնախագիծ» ինստիտուտում: Շինարարությունը մեկնարկել է 1952 թվականին եւ ավարտվել 1955-ին: Կայարանի շենքը բացվել է 1956 թվականի հուլիսի 22-ին, որի հեղինակն է ճարտարապետ Էդմոնդ Տիգրանյանը: Ճարտարապետը նախատեսել էր շենքի վրա ոսկեզօծ գմբեթ, սակայն շենքը բացվել է առանց այդ գմբեթի: Գմբեթը կառուցվել է որոշ ժամանակ անց՝ շենքին վերադարձնելով այն ավարտական տեսքը, որը նախատեսել էր ճարտարապետը: