Հաղթանակի Կամուրջ

Հաղթանակի կամուրջը գտնվում է Հրազդան գետի վրա և միացնում է Մաշտոցի ու Իսակովի պողոտաները։ Կամրջի աջ ափին Երևանի կոնյակի գործարանն է, ձախ ափին՝ Երևանի գինու կոմբինատը։

Կամրջի հանդիսավոր բացումը տեղի է ունեցել 1945 թվականի նոյեմբերի 25-ին։ Հեղինակներն են ճարտարագետ Սիմոն Հովնանյանը և ճարտարապետներ Արտաշես Մամիջանյանն ու Ա. Ասատրյանը, իսկ շինարարությանը մասնակցել են նաև Ստալինգրադի ճակատամարտից (1943) հետո Հայաստան տեղափոխված հիտլերյան բանակի ռազմագերիները։

Կամրջի երկարությունը 200 մ է, լայնությունը՝ 25 մ, բարձրությունը՝ 34 մ. երթևեկությունը երկկողմանի է, կան նաև անցումներ հետիոտների համար։ Այն Երևանի խոշոր կամուրջներից է և քաղաքի հյուսիսային ու արևմտյան շրջանները կապում է կենտրոնի հետ։

Այո։ Կամուրջն ընդգրկված է Կենտրոն վարչական շրջանի պատմության և մշակույթի անշարժ հուշարձանների ցանկում։