Աժդահակը Գեղամա լեռնավահանի ամենաբարձր կետն է (3,597 մ): Գտնվում է Կոտայքի և Գեղարքունիքի մարզերի սահմանագլխին: Հանգած հրաբխային կոն է: Տարվա մեծ մասը Աժդահակ լեռը ծածկված է ձյունով։ Լեռան գագաթից բացվում է գեղեցիկ տեսարան դեպի խառնարանում գտնվող լիճը և շրջակա լեռնաշխարհը: «Աժդահակ» նշանակում է «հսկա» և «վիշապ»:
Լավ զարգացած ճանապարհատրանսպորտային պայմանները հնարավորություն են տալիս հասնել Աժդահակ անձնական մեքենայով կամ օգտվելով տարբեր տուրիստական ընկերությունների ծառայություններից, որոնք առաջարկում են կանոնավոր տուրեր դեպի Հայաստանի տարբեր տեսարժան վայրեր։ Աժդահակի աշխարհագրական դիրքի շնորհիվ ճանապարհը երկար չի թվա:
Հաճելի կլիմայական պայմանների շնորհիվ տուրիստական բարձր սեզոնը Հայաստանում բավականին երկար է տևում: Մարտից մինչև խոր աշուն օրերը տաք են, ձմեռը սովորաբար երկար չի տևում: Տեղումների արտահայտված սեզոնը փոփոխական է: Դեպի Աժդահակ տուրերի սեզոնայնությունը կախված է եղանակային պայմաններից:
Աժդահակ անվանումը հիշատակվում է հայ և իրանական առասպելաբանության մեջ, որը նշանակում է չար վիշապ՝ Աժի Դահական։ Աժի նշանակում է իժ, օձ, վիշապ, որի դեմ կռվում է ամպրոպի աստվածը: Աժի Դահական հանդես է գալիս իբրև օտար բռնակալ։ Այս առասպելական կերպարը հայոց գրություններում մարմնավորում է Մարաստանի թագավորը, որին հաղթում և սպանում է Տիգրան Մեծը։
ԳԱՌՆՈՒ ՏԱՃԱՐ
34 կմ
ԳԵՂԱՐԴ ՎԱՆԱԿԱՆ ՀԱՄԱԼԻՐ
24 կմ
ԳԱՌՆՈՒ ԿԻՐՃ, ՔԱՐԵՐԻ ՍԻՄՖՈՆԻԱ
37 կմ