Սիսիան, Տոլորսի ջրամբար, Որոտնավանք

Երևանից մեկնարկող այս պատմամշակութային տուրը հնարավորություն է ընձեռում մեկ օրում բացահայտելու Սյունիքի հարուստ ժառանգությունն ու տպավորիչ բնությունը։

Ճանապարհորդությունը սկսվում է Սիսիանից, որտեղ կայցելենք Սյունի վանք և Նիկողայոս Ադոնցի անվան պատմության թանգարան՝ ծանոթանալով տարածաշրջանի հնագիտական արժեքներին։ Այնուհետև կուղևորվենք դեպի Տոլորսի ջրամբար՝ տեսնելու ջրի տակ անցած խորհրդավոր եկեղեցին, և կայցելենք «Sisian Ceramics» արվեստանոց՝ ծանոթանալու հայկական կերամիկայի պատրաստման ավանդույթներին։ Ծրագրում ընդգրկված են նաև Որոտան գետի կիրճում տեղակայված միջնադարյան Որոտնավանքն ու Աղիտուի վաղմիջնադարյան կոթող-մահարձանը, իսկ օրը կեզրափակվի Շաքիի ջրվեժի մոտ՝ վայելելով Սյունիքի ամենահայտնի բնական հուշարձաններից մեկի տեսարանը։