Սբ. Հռիփսիմե եկեղեցի

Մարզ

Արմավիր

Հեռավորությունը Երևանից

22.6 Կմ

Տեսակ

Վանք/եկեղեցի

Սբ. Հռիփսիմե եկեղեցին գտնվում է Վաղարշապատ քաղաքի արեւելյան մասում, այն համարվում է հայկական ճարտարապետության գլուխգործոցներից մեկը։ Սբ. Հռիփսիմեն հիմնադրվել է 618 թվականին՝ Կոմիտաս Ա Աղցեցի կաթողիկոսի կողմից 4-րդ դարում կառուցված Սբ. Հռիփսիմե նահատակի դամբարանի տեղում: 1776 թվականին նրա շուրջ կառուցվել է աղյուսաշեն պարիսպը, 1880 թվականին եկեղեցու գավթի վրա կառուցվել է զանգակատունը, իսկ հետագայում՝ 1894 թվականին սրբատաշ քարերից կառուցվել են արեւելյան եւ հարավային պարիսպները եւ մի շարք այլ օժանդակ կառույցներ: Սբ. Հռիփսիմե եկեղեցին համարվում է եզակի հայկական ոճի կառույց: Շենքը արտաքին պլանով քառակուսի է, կենտրոնագմբեթ, իսկ ներքուստ խաչաձեւ: Սբ. Հռիփսիմե եկեղեցու ներքին հարդարանքը արտասովոր է եւ բարդ: Հայ ճարտարապետների կողմից ստեղծված այս նորարարական հորինվածքը հետագայում բազմիցս օգտագործվել է 7-րդ դարի հայ ճարտարապետության մեջ եւ նաեւ արձագանք է գտել ավելի ուշ ժամանակաշրջանի եկեղեցական կառույցների մեջ՝ Վանա լճի Աղթամար կղզու գլուխգործոց Սուրբ Խաչ եկեղեցին: