Սրբանեսի վանքը (կառուցվել է VIII-XVII դարերում), որը հայտնի է նաև Սուրբ Հովհաննես կամ Հովհան Օձնեցու վանք անուններով, գտնվում է Հայաստանի Լոռու մարզում, Արդվի գյուղի հյուսիսարևմտյան եզրին։ Վանքային համալիրը բաղկացած է երկու եկեղեցուց և զանգակատնից։ Վանքի տարածքում են գտնվում նաև խաչքարեր, քառակող կոթողը, տնտեսական և բնակելի շինությունների փլատակները։ Սրբանեսի վանքը հայտնի է նրանով, որ այստեղ է թաղված Հայոց 34-րդ կաթողիկոս Հովհաննես Օձնեցին (Կաթողիկոս 717-728 թթ)։ Մեծ աստվածաբան, օրենսգետ, մտածող և բարենորոգիչ Օձնեցին մահից հետո դասվել է սրբերի շարքը, որպես Սուրբ Հովհաննես Իմաստասեր։
Լավ զարգացած ճանապարհատրանսպորտային պայմանները հնարավորություն են տալիս հասնել Արդվիի Սուրբ Հովհաննես վանք անձնական մեքենայով կամ օգտվելով տարբեր տուրիստական ընկերությունների ծառայություններից, որոնք առաջարկում են կանոնավոր տուրեր դեպի Հայաստանի տարբեր տեսարժան վայրեր։ Արդվիի Սուրբ Հովհաննես վանքի աշխարհագրական դիրքի շնորհիվ ճանապարհը երկար չի թվա:
Հաճելի կլիմայական պայմանների շնորհիվ տուրիստական բարձր սեզոնը Հայաստանում բավականին երկար է տևում: Մարտից մինչև խոր աշուն օրերը տաք են, ձմեռը սովորաբար երկար չի տևում: Տեղումների արտահայտված սեզոնը փոփոխական է: Դեպի Արդվիի Սուրբ Հովհաննես վանք տուրերի սեզոնայնությունը կախված է եղանակային պայմաններից:
Հովհան Օձնեցին, 726 թվականին այլև չի ցանկանում զբաղվել կաթողիկոսական գործերով և վերադառնում է Դվինից Օձուն: Քանի որ Օձնեցին կուսակրոն վանական էր, իսկ Օձունը՝ բնակավայր, ուր մարդիկ էին պարում, չէր կարող մնալ այդտեղ: Նա որոշում է գյուղից 6 կմ հարավ-արևմուտք գտնվող գյուղից մի փոքր վերև վանք կառուցել: Եվ ասում է. «Սա առա, Դվինը տվի», որտեղից էլ առաջացել է Արդվի անվանումը:
Արդվիի վանքը հայտնի է նաև նրանով, որ այստեղ հայ հայտնի ռեժիսոր Սերգեյ Փարաջանովը նկարահանել է «Նռան գույնը» ֆիլմը։
ՔՈԲԱՅՐԻ ՎԱՆԱԿԱՆ ՀԱՄԱԼԻՐ
30 կմ
ԼՈՌԵ ԲԵՐԴ
37 կմ
ԴԵՆԴՐՈՊԱՐԿ
53 կմ