wanna check in?
| Սկիզբ | : | 18.09.16 07:30 |
| Ավարտ | : | 13.10.24 21:00 |
| Գինը՝ | 6.500AMD |
Նախատեսվում է յուրահատուկ քայլարշավ Տավուշի անտառներում, որտեղ, բացի հիասքանչ բնության գեղեցկությունից, կտեսնենք և կհիանանք Տավուշի երկու հոյակերտ վանքերի գեղեցկությամբ:
Սկզբում կլինենք անտառապատ լեռներով շրջապատված, 12-13-րդ դարերում կառուցված Նոր Վարագավանք վանական համալիրում, որտեղ այդ օրը հավաքվում են ուխտավորներ տարբեր վայրերից:
Վանքն իր անունը ստացել է Վասպուրականի հռչակավոր Վարագավանքի անունից, որի առաջնորդը, մոնղոլների կողմից վանքը ավերելուց հետո, այստեղ է տեղափոխել վանքում պահվող մասունքները, այդ թվում Սուրբ Խաչափայտի կտորը, որ բերել էին Հռիփսիմյան կույսերը։
Վանքի պատմությանն ու ճարտարապետությանը ծանոթանալուց հետո քայլարշավի մյուս կանգառը կլինի անտառապատ բացատի բարձրադիր սարալանջին գտնվող, հայ քաղկեդոնականների կառուցած աղյուսաշեն Սրվեղի նշանավոր վանքը, որը կառուցվել է 13-րդ դարում: Սրվեղի վանքն ունի շեշտված վերձիգ համաչափություններ, սրածայր վեղարով գմբեթ, որով էլ, ըստ ժողովրդական ստուգաբանության, բացատրվում է Սրվեղ անվանումը:Մեր ճանապարհը կանցնի կաղնիների և հաճարենիների թավ անտառի միջով, որտեղ կան հեքիաթային բացատներ, մենակյաց ժայռեր ու հայելանման լճակներ, իսկ քայլարշավի ընդհանուր երկարությունը կկազմի մոտ 15 կմ:
Արշավի վերջնամասում կիջնենք մոտակա Այգեհովիտ գյուղը, որտեղից էլ կվերադառնանք Երևան:
ԳԻՆԸ ՆԵՐԱՌՈՒՄ Է
1. գիդի ծառայություն
2. տրանսպպորտի ծառայություն
Մեկնարկի վայր - Երևանի Կոմիտասի անվան Պետական Կոնսերվատորիա
Հաշվի առնելով, որ տեղերը սահմանափակ են, խնդրում ենք նախօրոք կապվել մեզ հետ և գրանցվել:
Հաճախորդի և ընկերության կողմից երկկողմանի հաստատված տուրի ամրագրումը չեղարկելու դեպքում՝
ամրագրման համար վճարումը կատարվում է ամբողջությամբ:
Չեղարկման դեպքում վճարված գումարը վերադարձի ենթակա չէ:
ԿԱ՞Ն ՀԱՐՑԵՐ
)
