Սկիզբ | : | 08.06.24 07:00 |
Ավարտ | : | 09.06.24 22:00 |
Գինը՝ | 29.000AMD |
Միացի՜ր մեր երկօրյա տուրին դեպի չքնաղ Սյունիք:
Այս անգամ նախատեսում ենք վրանային գիշերակաց՝ Խուստուփի լանջերին: Տուրի շրջանակներում կայցելենք Կապան քաղաք, որտեղից ամենագնացներով կշարունակենք մեր ճանապարհը դեպի Խուստուփ լեռան վրանատեղի: Օրը կամփոփենք երեկոյան խարույկի շուրջ՝ լեռան բարձունքից վայելելով Սյունյաց աշխարհի հիասքանչ բնությունն ու մաքուր օդը:
Վաղ առավոտյան կսկսենք մեր վերելքը դեպի Խուստուփի գագաթ (3201 մ), իսկ մինչ այդ կդիմավորենք չքնաղ լուսաբացը: Վերադարձին մի փոքր կհանգստանանք վրանատեղիում, այնուհետև կվերադառնանք ետ:
Հ.Գ. Միջին բարդության քայլարշավի ընդհանուր երկարությունը կազմում է մոտ 12 կմ, հարաբերական բարձրությունը՝ 1200 մետր: Մասնակիցներին խորհուրդ է տրվում լինել քայլարշավային կոշիկներով, հարմարավետ հագուստով, կրել պաշտպանիչ գլխարկ, ակնոց, ունենալ 2 օրվա համար անհրաժեշտ սնունդ և ջուր (2-5լ), տաք հագուստ, փոխնորդ կոշիկներ, ձեռնափայտեր, դեղատուփ, անձրևապաշտպան թիկնոց և լապտեր:
ԳԻՆԸ ՆԵՐԱՌՈՒՄ Է
1. գիդի ծառայություն
2. տրանսպորտի ծառայություն
3. վրան
4. կարիմատ
5. քնապարկ
6. ուղեկցորդի ծառայություն
7. ամենագնացների վարձակալություն
Մեկնարկի վայր - Երևանի Կոմիտասի անվան Պետական Կոնսերվատորիա
Հաշվի առնելով, որ տեղերը սահմանափակ են, խնդրում ենք նախօրոք կապվել մեզ հետ և գրանցվել:
Հաճախորդի և ընկերության կողմից երկկողմանի հաստատված տուրի ամրագրումը չեղարկելու դեպքում՝
ամրագրման համար վճարումը կատարվում է ամբողջությամբ:
Չեղարկման դեպքում վճարված գումարը վերադարձի ենթակա չէ:
ԿԱ՞Ն ՀԱՐՑԵՐ