Արվեստասերնե՜ր, այս անգամ մեկնում ենք Ջաջուռ՝ անձամբ մեր ձեռքերով մինասյան որևէ կտավ արտանկարելու:

Գույներ կերտողը՝ Մինասը, չէր մոռացել, որ արվեստը պայքար է սիրում, նա շարունակում էր խիզախել արվեստում՝ ձգտելով լավագույնին: Նա մեծ նվիրումով էր վերաբերում թատերական նկարչությանը, որին փոխանցում էր իր հզոր սիմֆոնիզմը:

Այս անգամ հնարավորություն է տրվում ճանաչել, ավելի մոտ գտնվել Մինասի արվեստին, քայլել նրա հետքերով և յուրովի վերապրել նրա գույներն ու ոգին:

Սկզբում կուղևորվենք Մինասի ծննդավայր: Երբ այցելենք Ջաջուռ, կհամոզվենք, որ այս գյուղը, չնայած բազմաթիվ դժվարություններին, պահպանել է ամրակուռ ոգին՝ միաժամանակ նաև ջերմությունը: Ջաջուռում է գտնվում Մինասի տուն-թանգարանը, որը նրա կյանքի և գույների ամենաիսկական արտացոլանքն է: Այստեղ պահպանված են նկարչի գյուղ-աշխարհն արտացոլող հորինվածքներն ու բնանկարները: Հայրական տուն այցելելիս ավելի մոտ կլինենք նրա գույներին, նրա փոքրիկ անկյանը:

Տուրի շրջանակներում կայցելենք նաև Ջաջուռի Սբ. Աստվածածին եկեղեցի, կտեսնենք «Կարմիր և Սև աղբյուրները» և «Հարյուրամյա ծառը», որոնք իր նկարներում արտապատկերել է Մինասը:

Մյուս նշանավոր վայրը, որը կբացահայտենք այս տուրի ընթացքում Ջրափիի քարավանատունը և եկեղեցին են, որոնց կառուցողական աշխատանքները տարվել են դեպի Անի տանող ճանապարհի վրա:

 Գինին և արվեստը Ջաջուռում

Այս տուրի ընթացքում առաջին անգամ յուրքանչյուրը կունենա բացառիկ հնարավորություն արտանկարելու Մինասի հայտնի կտավներից որևէ մեկը: Նկարել կարողանալը պարտադիր չէ, պրոֆեսիոնալ մասնագետները կօգնեն Ձեզ, իսկ օրվա ավարտին Ձեզ հետ կունենաք գեղեցիկ և շոշափելի հուշ անմոռանալի օրվանից՝ Ձեր ձեռքով ստեղծված մինասյան կտավը: Մեզ սպասվում է նաև գինու համտես:

Հ.Գ. Արժեքի մեջ ներառված չէ մասնակցությունն Art-Wine Party-ին՝ 10000 դրամ (մաստեր-կլաս, կտավներ, ներկեր, գինու հյուրասիրություն):