Սկիզբ | : | 27.09.20 08:00 |
Ավարտ | : | 27.09.20 21:00 |
Գինը՝ | 5.000AMD |
Նոր և հատուկ ուղևորություն բոլոր նրանց համար ովքեր ուզում են կարևոր և հիշարժան օր անցկացնել: Դուք հնարավորություն ունեք ծանոթանալու հայկական ճարտարապետության բացառիկ նմուշների հետ մեկ օրվա ընթացքում:
Այցելելու ենք՝
ԵՐԵՐՈՒՅՔԻ ՏԱՃԱՐ
Շիրակի մարզի Անիպեմզա գյուղի արևելյան հատվածում, ներկայիս հայ-թուրքական սահմանի մոտ է գտնվում Երերույքի հնամենի տաճարը` ենթադրաբար կառուցված 4-րդ դարում: Թեև կիսաքանդ և լքված` սակայն պահպանվածից էլ կարելի է դատել, թե ժամանակին այն որքան վեհաշուք է եղել: Երեք դռների բարավորները զարդարված են հավասարաթև խաչի, հավերժության նշանի, կենաց ծառի, խոյերի քանդակներով` բնորոշ վաղ քրիստոնեական ժամանակաշրջանին:
ԴԱՇՏԱԴԵՄԻ ԲԵՐԴ
Նախկինում Ներքին Թալին կոչվող գյուղը 1979 թ. վերանվանվել է Դաշտադեմ ի պատիվ Սասունի Դաշտադեմ գյուղի: Դաշտաբեմի բերդը ներկայում Հայաստանի բերդերի մեջ լավագույն պահպանվածներից է: Այն իր դիրքով, ի տարբերություն Հայկական լեռնաշխարհի մնացած բերբերի, այն զուրկ է եղել բնական պաշտպանությունից և ապավինել է իրեն շրջափակող հզոր պարիսպներին։ Համալիրի կազմի մեջ են մտնում նաև ջրամբարները (7-10-րդ դդ.), եկեղեցիները (7-րդ դար, 10-րդ դար), միջնաբերդը, միջնաբերդը շրջապատող առաջին (12-րդ դ.), և երկրորդ պարսպապատերը (19-րդ դ.), պալատը (19-րդ դ.):
ԹԱԼԻՆԻ ԿԱԹՈՂԻԿԵ
Կիսավեր, բայց մինչ օրը այցելուներին հիացնող Թալինի Կաթողիկե եկեղեցին կառուցվել է 7-րդ դարում Կամսարական իշխանների կողմից: Եկեղեցին ունի հարուստ արտաքին հարդարանք, խորանների և գմբեթի թմբուկի դեկորատիվ կամարաշարեր, լուսամուտների քանդակազարդ պսակներ: Ներքին պատերն ամբողջությամբ նկարազարդ են եղել, որոնցից պահպանվել են բազմաթիվ մեծ ու փոքր հատվածներ:
ԻՐԻՆԴԻ ԵԿԵՂԵՑԻ
Իրինդը Թալինի շրջանի գեղատեսիլ գյուղերից է: Այստեղ գտնվում է 7-րդ դարում կառուցված, յուրօրինակ ճարտարապետությամբ եկեղեցի: Դարերի ընթացքում այն դարձել էր կիսավեր, վերանորոգվել է վերջին տարիներին: Իրինդը հայտնի է նաև որպես սասունցիաբնակ գյուղ, ուր 1920 թ. բնակություն են հաստատել Մեծ եղեռնի ժամանակ Սասունից գաղթած հայերը: Այստեղ է բնակվել Խաչիկ Դաշտենցի հերոս Խոդեդանը: Այստեղ են հյուրընկալվեն Խաչիկ Դաշտենցը և Ավետիք Իսահակյանը:
ԳԻՆԸ ՆԵՐԱՌՈՒՄ Է
1․ գիդի ծառայություն
2․ տրանսպորտ
Մեկնարկի վայր - Երևանի Կոմիտասի անվան Պետական Կոնսերվատորիա
Հաշվի առնելով, որ տեղերը սահմանափակ են, խնդրում ենք նախօրոք կապվել մեզ հետ և գրանցվել:
Հաճախորդի և ընկերության կողմից երկկողմանի հաստատված տուրի ամրագրումը չեղարկելու դեպքում՝
ամրագրման համար վճարումը կատարվում է ամբողջությամբ:
Չեղարկման դեպքում վճարված գումարը վերադարձի ենթակա չէ:
ԿԱ՞Ն ՀԱՐՑԵՐ