wanna check in?
| Սկիզբ | : | 07.04.24 10:00 |
| Ավարտ | : | 07.04.24 19:00 |
| Գինը՝ | 8.500AMD |
Հատուկ տուրի շրջանակներում առաջարկում ենք ծանոթանալ Արագածոտնի մարզի պատմամշակութային հուշարձանների մի մասին և զգալ ձիավարելու հաճույքը՝ «Այրուձի» հեծյալ ակումբում: Մեր առաջին կանգառը կլինի Մուղնիում, որտեղ կայցելենք Սբ. Գևորգ եկեղեցի, ապա կուղևորվենք Հովհաննավանք։ Այս հոյակերտ վանական համալիրն իր չափերի շնորհիվ համարվում է միջնադարյան եզակի պատմական հուշարձան։ Տուրի շրջանակներում կայցելենք նաև Քասախ գետի բարձրադիր հատվածում գտնվող Սաղմոսավանք։
Օրվա մյուս մասը կանցկացնենք Աշտարակի ձիարշավարանում, որտեղ վարժեցնում են ինչպես անգլիական զտարյուն և բուդյոնովյան ցեղատեսակներ, այնպես էլ մեծ ճանաչում ունեցող զտարյուն արաբական ձիեր: Ակումբում կծանոթանանք ձիավարելու կանոններին, կլսենք հետաքրքիր պատմություններ ձիերի մասին, իսկ հետո յուրաքանչյուրը հնարավորություն կունենա ձիավարելու՝ ուղեկցորդի օգնությամբ։ Այս ամենը կեզրափակենք խարույկով և կրակի մեջ եփված համեղ կարտոֆիլի և գինու հյուրասիրությամբ:
Հ.Գ. Տուրի ընթացքում յուրաքանչյուր մասնակից հնարավորություն կունենա 2 պտույտ ձիավարելու.
թույլատրվում է ձիավարել միայն ուղեկցորդի օգնությամբ:
ԳԻՆԸ ՆԵՐԱՌՈՒՄ Է
1․ գիդի ծառայություն
2․ տրանսպորտի ծառայություն
3․ ձիավարելու համար նախատեսված ծախսեր
4. հյուրասիրություն
5. խարույկ
Մեկնարկի վայր - Երևանի Կոմիտասի անվան Պետական Կոնսերվատորիա
Հաշվի առնելով, որ տեղերը սահմանափակ են, խնդրում ենք նախօրոք կապվել մեզ հետ և գրանցվել:
Հաճախորդի և ընկերության կողմից երկկողմանի հաստատված տուրի ամրագրումը չեղարկելու դեպքում՝
ամրագրման համար վճարումը կատարվում է ամբողջությամբ:
Չեղարկման դեպքում վճարված գումարը վերադարձի ենթակա չէ:
ԿԱ՞Ն ՀԱՐՑԵՐ
)
