Սկիզբ | : | 03.10.20 07:30 |
Ավարտ | : | 04.10.20 22:00 |
Գինը՝ | 22.000AMD |
«ԱՐՑԱԽԻ ԲԵՐԴԵՐ» նախագծի շրջանակներում, մեր հաջորդն ուղևորությունը կլինի հոկտեմբերի 3-ից 4-ը:
Նախատեսում ենք վերելք ԿԱՉԱՂԱԿԱԲԵՐԴ:
Ձեզ ենք ներկայացնում 2 օրերի տեսարժան վայրերի այցելության հակիրճ նկարագրությունը.
Օր 1-ին
— Զուարի տաք ջուր
— Դադիվանք
— «Մենք ենք, մեր լեռները»
Օր 2-րդ
— ԿԱՉԱՂԱԿԱԲԵՐԴ
— Մեծառանից Սբ.Հակոբավանք
— Երևան
Երկրորդ օրը դուրս ենք գալիս Ստեփանակերտից 08.30-ին և ուղևորվում Քոլատակ գյուղ, որտեղից էլ սկսվելու է մեր քայլարշավը: Անտառների, սաղարթախիտ ծառերի միջով հաղթահարելու ենք 8 կմ ճանապարհ և մոտենալու ենք այն ժայռին, որի վրա հպարտորեն կանգնած է Կաչաղակաբերդը՝ Խաչենի ամենահզոր բերդերից մեկը, որն իշխող դիրք ունի շրջակայքում: Այդ հսկան միայն մի կողմից է հասանելի, որը «նվաճելու» համար պետք է մի փոքր հատված մագլցել ժայռն ի վեր: Կաչաղակաբերդից իջնելուց հետո տեսնելու ենք Քոլատակ գյուղին կից գտնվող Մեծառանից Սուրբ Հակոբավանքը՝ Խաչենի գլխավոր հոգևոր կառույցներից մեկը:
Հ.Գ. Քայլարշավի ընդհանուր երկարությունը 16 կմ է: Անհրաժեշտ է ունենալ 1 լիտրից ոչ պակաս ջուր, սնունդ բերդի տարածքում սնվելու համար, հարմարավետ կոշիկ և շարժումը չկաշկանդող հագուստ սար բարձրանալու համար, ցանկալի է նաև արշավական փայտ, անձրևանոց, արևապաշտպան քսուք, գլխարկ, ակնոց: Ճնշման և շնչառական խնդիրներ ունեցողներին խորհուրդ չի տրվում մասնակցել վերելքին:
Զուարի տաք ջուր հասնելու համար ճանապարհն անցնում է բնական կամրջի միջով և գողտրիկ լեռնային կիրճով:
Տաք ջրում լողալու համար կարող եք վերցնել լողազգեստ:
ԳԻՆԸ ՆԵՐԱՌՈՒՄ Է
1․ գիդի ծառայություն
2․ տրանսպորտի ծառայություն
3․ գիշերակաց հյուրանոցում
4․ նախաճաշ
Խումբը 12 անձից քիչ լինելու դեպքում փոխադարձ համաձայնությամբ ընդհանուր արժեքին կավելանա 10.000 դրամ:
Մեկնարկի վայր - Երևանի Կոմիտասի անվան Պետական Կոնսերվատորիա
Հաշվի առնելով, որ տեղերը սահմանափակ են, խնդրում ենք նախօրոք կապվել մեզ հետ և գրանցվել:
Հաճախորդի և ընկերության կողմից երկկողմանի հաստատված տուրի ամրագրումը չեղարկելու դեպքում՝
ամրագրման համար վճարումը կատարվում է ամբողջությամբ:
Չեղարկման դեպքում վճարված գումարը վերադարձի ենթակա չէ:
ԿԱ՞Ն ՀԱՐՑԵՐ