wanna check in?
Տորմակավանքը կամ Տորմակ եկեղեցին 5-րդ դարի կառույց է, գտնվում է Լոռվա մարզի Գյուլագարակ գյուղից 2կմ հարավ`Տորմակադուռ (Որմակադուռ) կոչվող հին բնակավայրի տեղում: Ցավոք, անվան ճշգրիտ ստուգաբանությունը չկա: Եկեղեցին այժմ ավերակ վիճակում է, պահպանված են միայն պատերը: Չնայած ավերակ վիճակին՝ ներկայումս էլ այն իր սլացիկությամբ ու վեհությամբ անջնջելի տպավորություն է թողնում: Վաղ միջնադարյան Հայաստանում տարածված՝ արտաքին սրահով միանավ եկեղեցիներից է։ Ընդգրկված է Գյուլագարակի պատմության և մշակույթի անշարժ հուշարձանների ցանկում։ Գյուլագարակի Տորմակ եկեղեցին հայ ճարտարապետության սրահավոր միանավ դահլիճների ինքնատիպ և լավագույն օրինակներից է։
Լավ զարգացած ճանապարհատրանսպորտային պայմանները հնարավորություն են տալիս հասնել Թորմակավանք անձնական մեքենայով կամ օգտվելով տարբեր տուրիստական ընկերությունների ծառայություններից, որոնք առաջարկում են կանոնավոր տուրեր դեպի Հայաստանի տարբեր տեսարժան վայրեր։ Թորմակավանքի աշխարհագրական դիրքի շնորհիվ ճանապարհը երկար չի թվա:
Հաճելի կլիմայական պայմանների շնորհիվ տուրիստական բարձր սեզոնը Հայաստանում բավականին երկար է տևում: Մարտից մինչև խոր աշուն օրերը տաք են, ձմեռը սովորաբար երկար չի տևում: Տեղումների արտահայտված սեզոնը փոփոխական է: Դեպի Թորմակավանք տուրերի սեզոնայնությունը կախված է եղանակային պայմաններից:
Եկեղեցու բակում նկարահանվել են հայտնի «Տերն ու ծառան» ֆիլմից որոշ դրվագներ:
Մինչ Գյուլագարակ կոչվելը գյուղի անունը եղել է Տորմակ, որտեղից էլ վանքը ստացել է իր անունը:
ԴԵՆԴՐՈՊԱՐԿ
1 կմ
ՀՆԵՎԱՆՔ
15 կմ
ԼՈՌԵ ԲԵՐԴ
15 կմ
)
