Գլխավոր էջ Հայաստանի տեսարժան վայրերը Սևանա Լիճ

Սևանա Լիճ

Մարզ

Գեղարքունիք

Հեռավորությունը Երևանից

64.1 Կմ

Տեսակ

լիճ

Սևանա լիճը Հայաստանի մարգարիտն է: Այն երկրագնդի քաղցրահամ ջուր ունեցող 2-րդ բարձրադիր լիճն է Հարավային Ամերիկայի Տիտիկակա լճից հետո: Լճի երկարությունը 70 կմ է, առավելագույն լայնությունը՝ 55 կմ։ Հայելու մակերեսը կազմում է 1260 կմ2, որով ամենախոշորն է Հարավային Կովկասի տարածքում։ Միջին խորությունը 46.8 մ է, ամենախոր վայրը՝ 83 մ (Փոքր Սևան)։ Սևանա լիճը Շորժայի ստորջրյա թմբով բաժանվում է 2 մասի՝ Մեծ Սևանի (37.7 մ միջին խորություն) և Փոքր Սևանի (50.9 մ)։ Սևանում հանգստանալիս՝ զբոսաշրջիկները կարող են համատեղել լողափնյա հանգիստը և տեսարժան վայրերի այցելությունը։ Լճի մոտակայքում են տեղակայված պատմամշակութային հուշարձաններ՝ Սևանավանքն ու Հայրավանքը։ Այստեղ կարող եք տեսնել նաև Նորատուսի խաչքարերի եզակի գերեզմանատունը:

Հետաքրքիր

Փաստեր՝ Սևանա Լիճ

Փաստեր

Լճի անվան հետ կապված երկու առասպելներ հյուսված: Ըստ առաջինի՝ Սևանա լճի տեղում առաջ ցամաք է եղել՝ անտառապատ բլուրներով, ծաղկավետ դաշտերով ու բերրի վարելահողերով։ Գյուղին մոտիկ բլրի տակ եղել է մի ջրառատ աղբյուր, որից ջուր վերցնելիս գյուղացիները հանում էին ակունքի մեծ փակիչը և ապա զգուշությամբ հարմարեցնում տեղում։ Մի երեկո գյուղի հարսներից մեկը ջրի է գնում աղբյուրը, հանում է փակիչը, կուժը լցնում ու գալիս տուն՝ մոռանալով փակել ակունքը։ Ջուրը դուրս է հորդում, ծավալվում չորս կողմ, երբ հասնում է տնակներին, բնակիչները փախչում են, ասելով «Քար դառնա ով բաց է թողել ակունքը»։ Եվ մոռացկոտ հարսը քար է դառնում, իսկ ջուրը անընդհատ հոսելով գոյացնում է Սևանա լիճը, որի երեսից հազիվ վեր է բարձրանում քարացած հարսի գլուխը՝ Հարսնաքարը։

Ըստ 2-րդ ավանդության՝ Վանեցիները գաղթում և վերաբնակվում են Սևանի ափերին՝ որոշելով, որ դա էլ մի Վան է։ Բայց հետո տեղի ցուրտ ու դաժան կլիման դուր չի գալիս նրանց։ Նրանք հիշում են իրենց երկրի մեղմ ու տաք բնությունը, իրենց բարեկեցիկ կյանքը և դառնորեն կանչում՝ «Սև Վան եկավ մեր գլխին, սև Վան»։ Ու այդպես էլ լճի անունը մնում է Սևան։

28 գետ է հոսում լիճ, և միայն Հրազդան գետն է դուրս գալիս: Հրազդան գետը ոռոգում է Արարատյան դաշտավայրը: Հրազդան գետի վրա տեղակայված են վեց հիդրոէլեկտրակայաններ, որոնք կազմում են Սևան-Հրազդան կասկադը` ամենամեծը Հայաստանում: Սևանը մեծապես շահագործվեց սովետական շրջանում Արարատյան դաշտավայրի և հիդրոէլեկտրակայանների ոռոգման համար: Ինչը պատճառ հանդիսացավ ջրի մակարդակի նվազմանը:

Կառավարությունը 2011 թ.-ին Սևանի ազգային պարկում ստեղծեց նոր առողջարաններ: Հասարակական լողափերը բացվել էին այդ տարվա հուլիսին: 2011-ի ամռանը մոտ 100,000 անհատներ այցելել են հանրային լողափեր: Լողափերն ունեն անվճար կայանատեղի, խաղահրապարակներ երեխաների համար, սպորտային հրապարակներ, լոգարաններ, բժշկական օգնության և փրկարարական կայաններ: 2014-ի դրությամբ կար 11 լողափ: 2014-ին մոտ 200 000 անհատներ հանգստացել են այնտեղ:

Եղանակ - Գեղարքունիք

Հաճելի կլիմայական պայմանների շնորհիվ տուրիստական բարձր սեզոնը Հայաստանում բավականին երկար է տևում: Մարտից մինչև խոր աշուն օրերը տաք են, ձմեռը սովորաբար երկար չի տևում: Տեղումների արտահայտված սեզոնը փոփոխական է: Դեպի Սևանա լիճ տուրերի սեզոնայնությունը կախված է եղանակային պայմաններից: