Սևանա Լիճ

Մարզ

Գեղարքունիք

Հեռավորությունը Երևանից

64.1 Կմ

Տեսակ

լիճ

Սեւանը Հայաստանի ամենախոշոր լիճն է, իսկ Հայկական լեռնաշխարհի երեք խոշոր լճերից երրորդը՝ Վանա եւ Ուրմիա լճերից հետո։ Սեւանա լիճը շրջապատված է Գեղամա, Վարդենիսի, Արեգունու եւ Սեւանի լեռներով: Լիճ է թափվում 28 գետ, եւ սկիզբ առնում միայն մեկը՝ Հրազդան գետը: Սեւանը բաժանված է երկու մասի՝ Մեծ ու Փոքր Սեւանների։ Լճի երկարությունը 70 կմ է, իսկ առավելագույն լայնությունը՝ 55 կմ: Խորհրդային իշխանության տարիներին լճի մակարդակը զգալիորեն իջել է, որն էլ հանգեցրել է տարածաշրջանում էկոլոգիական խնդրի առաջացմանը։ Ջրի մակարդակի վերականգնման նպատակով կառուցվել են Արփա-Սեւան եւ Որոտան-Արփա ջրատարները։ 1978 թվականին ստեղծվել է Սեւան ազգային պարկը։