wanna check in?
Լաստիվերը աննման տեսարժան վայր է, որտեղ միահյուսված են հիասքանչ, հեքիաթային հայկական բնությունը և մարդու ձեռքի աշխատանքը: Այս դրախտային վայրը տեղակայված է Տավուշի մարզի Խաչաղբյուր գետի կիրճում, Ենոքավան գյուղից 3 կմ հեռավորության վրա: Այստեղ, խիտ անտառներով շրջապատված, թաքնված է կախարդական գողտրիկ մի անկյուն, որի բազմադարյա քարանձավները, գեղատեսիլ ջրվեժը և ծառերի վրա կառուցված յուրօրինակ գեղեցիկ խրճիթներն ու տնակները ողջունում և գերում են հյուրերին: Քարանձավները տեղակայված են հսկայական կիրճի եզրին, և այստեղ բարձրանալու համար մարդիկ գերաններից աստիճան են կառուցել։ Այս աստիճանը ավելի շատ նման էր լաստի, ոչ թե աստիճանի, ինչն էլ խթան հանդիսացավ վայրը «Լաստիվեր» անվանել:
Լավ զարգացած ճանապարհատրանսպորտային պայմանները հնարավորություն են տալիս հասնել Լաստիվեր անձնական մեքենայով կամ օգտվելով տարբեր տուրիստական ընկերությունների ծառայություններից, որոնք առաջարկում են կանոնավոր տուրեր դեպի Հայաստանի տարբեր տեսարժան վայրեր։ Լաստիվերի աշխարհագրական դիրքի շնորհիվ ճանապարհը երկար չի թվա:
Հաճելի կլիմայական պայմանների շնորհիվ տուրիստական բարձր սեզոնը Հայաստանում բավականին երկար է տևում: Մարտից մինչև խոր աշուն օրերը տաք են, ձմեռը սովորաբար երկար չի տևում: Տեղումների արտահայտված սեզոնը փոփոխական է: Դեպի Լաստիվեր տուրերի սեզոնայնությունը կախված է եղանակային պայմաններից:
Լաստիվեր անվան հետ կապված, բացի վերոնշյալ վարկածից, կա ևս մեկը, համաձայն որի՝ մարդիկ բարձրացել են այստեղ պարանով կապված փայտե հարթակի՝ լաստի միջոցով: Նստելով այդ տախտակին՝ քարանձավ բարձրացողը բղավել է. «Լաստն՝ ի վեր», այսինքն՝ լաստը բարձրացրեք վերև: Վերևից լսելով հրահանգը՝ պարանը քաշել են դեպի քարանձավի մուտքը:
Քարանձավներից մեկի պատերին ոմն նկարիչ թողել է գեղեցիկ խորաքանդակ: Կարելի է նկատել, որ այն պատկերում է հարսանիք: Հեղինակը ստեղծում էր այդ գլուխգործոցները քարանձավում ճգնավորի կյանքով ապրելու ժամանակ: Քարանձավը հիշատակվում է նաև «Անապատ» անունով:
ԻՋԵՎԱՆԻ ԴԵՆԴՐՈՊԱՐԿ
24 կմ
ԳՈՇԻ ԼԻՃ
40.8 կմ
ԳՈՇԱՎԱՆՔ ՎԱՆԱԿԱՆ ՀԱՄԱԼԻՐ
48.8 կմ
)
