ՀՆԵՎԱՆՔ

Մարզ

Լոռի

Հեռավորությունը Երևանից

142.3 Կմ

Տեսակ

Վանք/եկեղեցի

Հնեվանքը տեղակայված է Լոռվա մարզում՝ Կուրթան գյուղից արևելք՝ Ձորագետի աջ ափին։ Եկեղեցու կառուցման ճշգրիտ տարեթիվը հայտնի չէ: Ասում են, որ այն վերականգնվել է 12-րդ դարում: Սակայն, դատելով եկեղեցու ճարտարապետությունից, այն կառուցվել է 7-րդ դ։ Այժմյան կիսաավեր համալիրի կազմում եղել են երեք եկեղեցի, գավիթ, բնակելի, տնտեսական և օժանդակ շինություններ։ Վերջերս եկեղեցին վերանորոգվել է։ Համալիրից մոտ 50 մ. դեպի արևելք գտնվում են մեծաչափ երկհարկանի շինության մնացորդներ, որն ունի մեծ թվով դռներ և պատուհաններ: Ամենայն հավանականությամբ այս շինությունը ծառայել է որպես վանքի միաբանության կացարան: