Հաղթանակի զբոսայգու կառուցողական աշխատանքները սկսվել են 1930-ականների վերջին: Այն կոչվում էր «Քաղաքային այգի Արաբկիրում»: Պատերազմից հետո այն վերանվանվեց «Հաղթանակ» այգու: Մինչ այդ այգու տեղում ամայի տարածքներ էին, բոլոր ծառերը տնկվեցին աստիճանաբար, տարիների ընթացքում: Առաջին կարուսելը ճոճվող նավակն էր, որը տեղադրվեց 1955-56թթ-ին: 1959թ-ին այգում բացվեց «Արագիլ» ռեստորանը, որը դարձավ քաղաքի խորհրդանիշներից մեկը: Նրա հեղինակը ևս Ռաֆայել Իսրայելյանն էր:
Լավ զարգացած ճանապարհատրանսպորտային պայմանները հնարավորություն են տալիս հասնել Հաղթանակ զբոսայգի անձնական մեքենայով կամ օգտվելով տարբեր տուրիստական ընկերությունների ծառայություններից, որոնք առաջարկում են կանոնավոր տուրեր դեպի Հայաստանի տարբեր տեսարժան վայրեր։ Հաղթանակ զբոսայգու աշխարհագրական դիրքի շնորհիվ ճանապարհը երկար չի թվա:
Հաճելի կլիմայական պայմանների շնորհիվ տուրիստական բարձր սեզոնը Հայաստանում բավականին երկար է տևում: Մարտից մինչև խոր աշուն օրերը տաք են, ձմեռը սովորաբար երկար չի տևում: Տեղումների արտահայտված սեզոնը փոփոխական է: Դեպի Հաղթանակ զբոսայգի տուրերի սեզոնայնությունը կախված է եղանակային պայմաններից:
Հաղթանակի զբոսայգում են գտնվում Մայր Հայաստան հուշահամալիրը, Անհայտ զինվորի գերեզմանը, «Ո'չ պատերազմին» քանդակը, Սահմանապահների հուշարձանը, Հերոսների ծառուղին, «Արևիկ» լճակը, բազմաթիվ ատրակցիոններ ու կարուսելներ։
1958 թվականին սկսվեց «Արևիկ» արհեստական լճի կառուցումը, որը շահագործման հանձնվեց 1961 թվականին։ Լճի հեղինակը ՀԽՍՀ վաստակավոր ճարտարապետ Հովհաննես Հակոբյանն էր։ Լիճը կրկնում է Սևանա լճի ձևը։
Առաջին Պտտվող անիվը զբոսայգում տեղադրվել էր 1967 թվականին: Հայաստանն այդ տարիներին ստացավ 5 պտտվող անիվներ` մեկը տեղադրվեց «Հաղթանակ» զբոսայգում, մյուս չորսը ՝ Զվարթնոցում, Հրազդանում, Կոմիտասի պանթեոնում և Թոխմախում:
ԿԱՍԿԱԴ ՀԱՄԱԼԻՐ
1 կմ
ՄԱՏԵՆԱԴԱՐԱՆ
3 կմ
ՀԱՆՐԱՊԵՏՈՒԹՅԱՆ ՀՐԱՊԱՐԱԿ
6 կմ