Բջնի

Մարզ

Կոտայք

Հեռավորությունը Երևանից

43.3 Կմ

Տեսակ

Այլ

Բջնի գյուղը գտնվում է Հայաստանի Կոտայքի մարզում՝ Հրազդան գետի աջ աջին, շրջապատված է բլուրներով եւ ժայռերով։ Լինելով Հայաստանի ամենահին եւ պատմամշակութային մեծ կարեւորություն ունեցող գյուղերից մեկը՝ հայտնի է իր միջնադարյան վանական համալիրով, խաչքարերով, բերդով եւ աղբյուրներով։ Բջնի գյուղը գրավոր աղբյուրներում հիշատակվում է սկսած 5-6-րդ դարերից, սակայն առավել մեծ նշանակություն է ձեռք բերում 10-13-րդ դարերում՝ Բագրատունյաց թագավորության եւ Պահլավունի իշխանների օրոք։ 11-րդ դարում Բջնին իր շրջակայքով անցնում է Պահլավունիների իշխանական տոհմին։ Այդ ժամանակ էլ, Հովհաննես-Սմբատ թագավորի հրամանով դառնում է եպիսկոպոսանիստ ավան։ 1066 թվականին կաթողիկոսական ընտրությունները տեղի են ունեցել Բջնիում։ 13-րդ դարի սկզբին Բջնին անցնում է Զաքարյան հայ իշխանների տնօրինությանը։ Բջնի գյուղը հարուստ է պատմամշակութային վայրերով, որոնք են Բջնիի Սբ. Սարգիս եկեղեցին (10-րդ դար), Բջնիի Սբ. Աստվածածին եկեղեցին (1031 թվական), Բջնիի ամրոցը (10-րդ դար), խաչքարեր եւ հին գերեզմանոցներ, որոնք թվագրվում են 12-13-րդ դարերով։