Եղեգնաձորի Շատին գյուղում 2008թ.-ից բեզոարյան այծերին և արջերին դիտելու դիտարան է գործում: Դիտակետը կառուցվել է Հայաստանի և Նորվեգիայի բնապահպանության նախարարությունների ֆինանսավորմամբ: Դիտակետը հագեցած է համապատասխան տեխնիկայով, ունի հանգստանալու համար նախատեսված տաղավար։ Դիտակետից այն կողմ ձորն է, իսկ ձորից այն կողմ վեր են խոյանում Շատինի քարքարոտ լեռները: Ժայռերի վրա երևում են այծերի ոտնահետքերից առաջացած արահետները: Այծերին ու արջերին կարելի է նաև անզեն աչքով տեսնել: Կենդանիներն արդեն ընտելացել են մարդու ներկայությանը, հետևաբար՝ երբևիցե արտառոց շարժ չի նկատվում։ Այստեղից կարելի է հետևել և տեսնել, թե ինչպես են այծերն իջնում ձոր՝ ջուր խմելու: