Աղջկա բերդը Հայաստանի հիասքանչ ամրոցներից մեկն է: Զարգացած միջնադարում բերդը կոչվում էր Կայեն ինչպես և ամբողջ գավառը: Գտնվում է Տավուշի մարզում՝ Աղստև գետի հովտում՝ անտառապատ լեռան գագաթին: Կայեն ամրոցը եղել է բավական անառիկ մի կառույց` հանդիսանալով գավառի իշխանների նստոցը: Ամրոցի բրգավոր պարիսպները բոլոր կողմերից եզերում են լեռան գագաթի ժայռոտ բարձր ափերը` ունենալով պաշտպանական բացառիկ նշանակություն: Ամրոցի ներսում պահպանվել են ավերված բնակարաններ, ջրամբարներ, եկեղեցի, բաղնիք:
Լավ զարգացած ճանապարհատրանսպորտային պայմանները հնարավորություն են տալիս հասնել Աղջկա բերդ անձնական մեքենայով կամ օգտվելով տարբեր տուրիստական ընկերությունների ծառայություններից, որոնք առաջարկում են կանոնավոր տուրեր դեպի Հայաստանի տարբեր տեսարժան վայրեր։ Աղջկա բերդ աշխարհագրական դիրքի շնորհիվ ճանապարհը երկար չի թվա:
Հաճելի կլիմայական պայմանների շնորհիվ տուրիստական բարձր սեզոնը Հայաստանում բավականին երկար է տևում: Մարտից մինչև խոր աշուն օրերը տաք են, ձմեռը սովորաբար երկար չի տևում: Տեղումների արտահայտված սեզոնը փոփոխական է: Դեպի Աղջկա բերդ տուրերի սեզոնայնությունը կախված է եղանակային պայմաններից:
Ասում են Լենկ Թեմուրը իմանալով, որ այստեղ մի գեղեցիկ աղջիկ է ապրում, ուղարկում է զինվորներին, որ բերեն իր մոտ։ Երեք զինվորներ գալիս, առևանգում են աղջկան։ Մի հովիվ տեսնելով այդ, հետևում է նրանց։ Գիշերը, երբ զինվորները քնում են, հովիվը սպանում է նրանց և աղջկան նորից հետ բերում։ Լենկ Թեմուրը կատաղած հարձակվում է բերդում ամրացած հայերի վրա։ Մի պառավի մատնությամբ նա կտրում է բերդի ջուրը և նոր միայն հաղթում հայերին։ Տեսնելով այդ, աղջիկը պարսպից գետն է նետում իրեն։ Դրանից հետո բերդի անունը դնում են Աղջկա Բերդ:
ՏԱՎՈՒՇԻ ԲԵՐԴ / ՑԼԻԿ ԱՄՐԱՄԻ ԱՄՐՈՑ
20 կմ
ՆՈՐ ՎԱՐԱԳԱՎԱՆՔ
43 կմ
ԳՈՇԱՎԱՆՔ ՎԱՆԱԿԱՆ ՀԱՄԱԼԻՐ
114 կմ