Գլխավոր էջ Հայաստանի տեսարժան վայրերը ԱՂԱՎՆԱՎԱՆՔ

ԱՂԱՎՆԱՎԱՆՔ

Մարզ

Տավուշ

Հեռավորությունը Երևանից

123.1 Կմ

Տեսակ

Վանք/եկեղեցի

Աղավնավանքը, հայտնի նաև Աղնաբաթի վանք անունով, գտնվում է Աղնաբաթ անտառամասում, որն առանձնանում է այստեղ աճող և բարձր գնահատվող կարմրածառ ծառատեսակով։ Հուշարձանից դեպի հարավ պահպանվել են բազմաթիվ կառույցների մնացորդներ, որոնք, հավանաբար, եկեղեցու միաբանության բնակելի և տնտեսական շինություններն են եղել։ Եկեղեցու վիմագրությունն աղքատիկ է։ Ավանդատների արևմտյան ճակատներին փորագրությունների հետքեր կան, որոնց տառաձևերը բնորոշ են 12 — 13-րդ դդ. վիմագրության արվեստին։

Հետաքրքիր

Փաստեր՝ ԱՂԱՎՆԱՎԱՆՔ

Փաստեր

Այստեղի կարմրածառերը 300-400 տարեկան են և ունեն 25 մ բարձրություն, իսկ բների շրջագծերը հասնում են մոտ 0,7-0,9 մ-ի։ Կարմրածառի փայտը օգտագործվել է նաև զենք, գործիքներ, կահույք և, անգամ` ջրատար խողովակներ պատրաստելու համար։

Եկեղեցին գործող չէ, սակայն տարիներ առաջ հրավիրյալ քահանան մկրտության արարողություն է անցկացրել Աղավնավանք գյուղի չմկրտված բոլոր բնակիչների համար։

Մուտքից մի քանի մետր հեռավորության վրա գտնվող ծառերից մեկն այցելուները վերածել են «երազանքի ծառի»՝ թաշկինակներ կապելով ճյուղերին և մտքում պահելով երազանք։

Եղանակ - Տավուշ

Հաճելի կլիմայական պայմանների շնորհիվ տուրիստական բարձր սեզոնը Հայաստանում բավականին երկար է տևում: Մարտից մինչև խոր աշուն օրերը տաք են, ձմեռը սովորաբար երկար չի տևում: Տեղումների արտահայտված սեզոնը փոփոխական է: Դեպի Աղավնավանք տուրերի սեզոնայնությունը կախված է եղանակային պայմաններից: