Սևան, Դիլիջան, Հաղարծին, Գոշավանք, Պարզ լիճ

Առաջինն ուր կայցելենք Սևանա լիճն է, Հայաստանի գեղեցկուհին։ Լինելով ծովի մակերևույթից 1900 մետր բարձր, Սևանը հանդիսանում է աշխարհում երկրորդ բարձրադիր լիճը քաղցրահամ ջրի պաշարով։ Հրաբխային ծագման Սևանը շրջապատված է լեռնաշղթաներով, կիսված երկու հատվածների և մեկ թերակղզու։ Այցեքարտ դարձած Սևանը լիճը վայելում է մեծ մասսայականություն զբոսաշրջիկների շրջանում, թե ակտիվ, եւ թե պասիվ հանգստի համար։ Առավելագույնը 83 մետր խորությամբ Սևանը պատմական երեք հայկական լճերից միակն է գտնվող ՀՀ տարածքում։

Գեղեցկուհի Մարիամը խոսք էր տվել մահացած ամուսնու պատվին կառուցել 30 եկեղեցիներ և կառուցում էր ամբողջ կյանքի ընթացքում։ Դրանցից մեկը Սևանավանքն է, կառուցված 874 թվականին։ Դեռ չորրորդ դարում հիմնադրված լինելով, Սևանավանքն իր զարգացումն ապրում է 9-րդ դարում։ Կանգուն երկու եկեղեցիներից զատ, առանձնակի ուշադրության է արժանի 17-րդ դարի յուրահատուկ խաչքարը իր բազմաթիվ աստվածաշնչյան տեսարաններով։ Սևանավանքի արձանագիր քարերից մեկի վրա է ամենավաղ հանդիպող մայրաքաղաք Երևանի անունը։

Թև, Հայաստանում ընդունված է շինարարության համար օգտագործել տուֆ կամ բազալտ հիմնականում, Հաղարծնի վանքի համար օգտագործվել է երկու տեսակի, տրավերտին և բազալտ։ Սպիտակավուն քարից կառուցված այս վանքը դեռ 10-րդ դարից իր ուրույն տեղն է ունեցել հայոց մշակույթի, կրթության մեջ։ Շուրջ երեք դար է կառուցվել վանքը, տավուշյան անտառների գեղատեսիլ ձորակում, անտառի հենց սրտում։Այստեղ է նաեւ ճարտարապետական գլուխգործոց համարվող Սեղանատունը։ Բացի բույն կառույցներից, այստեղ կա նաև թագավորական դամբարան, իսկ ոչ հեռու վաճառվում է շատ համեղ գաթա:

Միջնադարյան Հայաստանի ամենահայտնի հոգևոր-կրթական կենտրոններից է Գոշավանքը, որն իր անունը ստացել է բազմատաղանդ հոգևորական եւ գիտնական Մխիթար Գոշից։ Նրա կողմից ստեղծված օրենքների ժողովածուն համարվում է բացառիկ իր ժամանակի համար, և առ այսօր էր օգտագործվում է աշխարհի շատ օրենսդրություններում։ Հինգ եկեղեցիներից, երեք մատուռներից, գավթից, սեղանատնից բաղկացած վանական համալիրը անտարբեր չի թողնի ոչ մի հետաքրքրասեր զբոսաշրջիկի, Վանքը համանուն Գոշ գյուղում է գտնվում։

Մենք կայցելենք Հին Դիլիջան համալիրը, որը գտնվում է Շարամբեյան փողոցում՝ գեղեցիկ վերականգնված տարածք, որը ներկայացնում է 19-րդ դարի հայկական կյանքը։ Հյուրերը կարող են զբոսնել քարակոփ փողոցներով և լուսանկարել այս հմայիչ պատմական անկյունը։

Կայցելենք Պարզ լիճ, որը գտնվում է Դիլիջանի ազգային պարկի խիտ անտառներում ։ Շրջապատված կանաչապատ և Լեռնային լանդշաֆտներով ՝ այն կատարյալ է հանգստի, զբոսանքի և գեղեցիկ լուսանկարների համար: Հյուրերը կարող են նաև նավակ վարձել կամ պարզապես վայելել հանգիստը բնական մթնոլորտում։