Ուխտագնացություն դեպի Նժդեհի գերեզման

Կարծիքներ

Սկիզբ | Ավարտ: 08:00 | 21:00

Տևողություն:ամբողջ օր

Տուրի տեսակ :հատուկ

Խմբի քանակը:12+

Լեզու :հայերեն

Սկիզբ | Վերջնակետ: 1a Sayat-Nova Ave, Yerevan 0001, Armenia | 1a Sayat-Nova Ave, Yerevan 0001, Armenia

Այս հատուկ տուրի շրջանակներում կուղևորվենք Վերնաշեն գյուղ, որտեղից կսկսենք մեր ուխտագնացությունը դեպի Սպիտակավորի վանք՝ Գարեգին Նժդեհի գերեզման։

Հ.Գ. Խնդրում ենք հաշվի առնել, որ մեզ սպասվում է մոտ 16 կմ երկարությամբ, միջին բարդության քայլարշավ: Մասնակիցներին խորհուրդ է տրվում լինել քայլարշավային կոշիկներով, հարմար հագուստով, կրել պաշտպանիչ գլխարկ, ունենալ տաք վերնահագուստ, մեկ օրվա համար անհրաժեշտ սնունդ և ջուր։

Ներառված է

Զբոսավար

Տրանսպորտ

Տուր

Ծրագիր

1. Սպիտակավորի վանք՝ Գարեգին Նժդեհի գերեզման

Քառակողմ անդնդախոր կիրճերով շրջապատված վանական համալիրի շենքերը կառուցված են սպիտակավուն ֆելզիտից, որը պատճառ է դարձել այն կոչելու «Սպիտակավոր»։

2. Նժդեհյան ուխտատեղի

Սպիտակավոր եկեղեցու տարածքում է գտնվում ազգային հերոս, գաղափարական առաջնորդ, հայ մեծ զորավար ու քաղաքական գործիչ, սպարապետ Գարեգին Նժդեհի գերեզմանը, սա է պատճառը, որ եկեղեցին հայտնի է նաև որպես «Նժդեհյան ուխտատեղի»։ 1989 թ. տեղադրվել են բազալտե տապանաքարն ու կարմիր տուֆե խաչքարը, որի վրա գրված է․ «Սեփական ուժերով ինքնապաշտպանվելու անընդունակ ժողովուրդները պատժվում են մահվամբ», իսկ ներքևում, ինչպես Նժդեհն էր ցանկացել, ավելացված է․ «Այստեղ հանգչում է Նա, որ գործեց իբրև կենդանի սուր»։

3. Պռոշ իշխանի բերդ (Պռոշաբերդ կամ Բոլորաբերդ)

Բերդը 13-րդ դարի կառույց է և այնտեղ հասնելու համար պահանջվում է կտրուկ վերելքի հաղթահարում: Բերդը եղել է իշխանանիստ, պահպանվել են պարիսպն ու բուրգերը, Պռոշյան իշխանների պալատը և բերդի մյուս շինությունները ավերվել են: