Պարույր Սևակի տուն-թանգանարնը գտնվում է բանաստեղծի ծննդավայրում՝ Զանգակատուն գյուղում: Բացվել է Պարույր Սևակի ողբերգական մահվան տասնամյա տարելիցի օրը՝ 1981 թ. հունիսի 17-ին: Թանգարանը կառուցվել է նրա հայրենի տան կողքին, այգու մեջ: Թանգարանում պահպանվում են շուրջ 700 ցուցանմուշներ: Ցուցասրահը հարստացված է Պարույր Սևակին նվիրված՝ Սարգիս Մուրադյանի` 1985-1986 թթ. կատարած մեծադիր, սիմվոլիզմով հագեցված որմնանկարներով: Թանգարանում հաճախ են կազմակերպվում սևակյան պոեզիայի օրեր․ հյուրերին հնարավորություն է ընձեռվում ունկնդրել պոեզիայի ընթերցումներ և հենց բանաստեղծի ընթերցմամբ ձայնագրություններ:
Լավ զարգացած ճանապարհատրանսպորտային պայմանները հնարավորություն են տալիս հասնել Պարույր Սևակի տուն-թանգարան անձնական մեքենայով կամ օգտվելով տարբեր տուրիստական ընկերությունների ծառայություններից, որոնք առաջարկում են կանոնավոր տուրեր դեպի Հայաստանի տարբեր տեսարժան վայրեր։ Պարույր Սևակի տուն-թանգարանի աշխարհագրական դիրքի շնորհիվ ճանապարհը երկար չի թվա:
Հաճելի կլիմայական պայմանների շնորհիվ տուրիստական բարձր սեզոնը Հայաստանում բավականին երկար է տևում: Մարտից մինչև խոր աշուն օրերը տաք են, ձմեռը սովորաբար երկար չի տևում: Տեղումների արտահայտված սեզոնը փոփոխական է: ԴեպիՊարույր Սևակի տուն-թանգարան տուրերի սեզոնայնությունը կախված է եղանակային պայմաններից:
Թանգարանային համալիրի նախագծի հեղինակը ճարտարապետ Ջիմ Թորոսյանն է: Ըստ նախագծի՝ թանգարանային համալիրը պետք է բաղկացած լիներ նախասրահից, ցուցասրահներից, մատուռ-զանգակատնից և ամֆիթատրոնից: Այնուամենայնիվ, իրականացվեց նախագծի միայն մի մասը: Ներկայիս նախասրահում ցուցադրվում են բանաստեղծի կյանքի և գործի հետ կապված տարբեր իրեր, փաստաթղթեր, ձեռագրեր, գրառումներ և դրանց պատճենները տարբեր լեզուներով:
Պարույր Սևակը, համաձայն բանավոր կտակի, իր կնոջ՝ Նելլի Մենաղարիշվիլիի հետ, հողարկավորվեց իր ձեռքերով մշակած այգու կենտրոնում՝ հայրական ծիրանենու տակ:
ԽՈՐ ՎԻՐԱՊ
55 կմ
ՊԱՐՈՒՅՐ ՍԵՎԱԿԻ ՏՈՒՆ-ԹԱՆԳԱՐԱՆ
29 կմ
ՊԱՐՈՒՅՐ ՍԵՎԱԿԻ ՏՈՒՆ-ԹԱՆԳԱՐԱՆ
22 կմ