Իջևանի պատմաերկրագիտական թանգարանը հիմնադրվել է 1955 թ.-ին: Այժմ թանգարանում գործում են չորս բաժին և հինգ ցուցասրահ։ 1992 թ. Իջևանի պատմաերկրագիտական թանգարանից Սարդարապատի հերոսամարտի և Երևանի հեղափոխության թանգարաններ են տեղափոխում շուրջ 1600 ցուցանմուշներ։
Լավ զարգացած ճանապարհատրանսպորտային պայմանները հնարավորություն են տալիս հասնել Իջևանի պատմաերկրագիտական թանգարան անձնական մեքենայով կամ օգտվելով տարբեր տուրիստական ընկերությունների ծառայություններից, որոնք առաջարկում են կանոնավոր տուրեր դեպի Հայաստանի տարբեր տեսարժան վայրեր։ Իջևանի պատմաերկրագիտական թանգարանի աշխարհագրական դիրքի շնորհիվ ճանապարհը երկար չի թվա:
Հաճելի կլիմայական պայմանների շնորհիվ տուրիստական բարձր սեզոնը Հայաստանում բավականին երկար է տևում: Մարտից մինչև խոր աշուն օրերը տաք են, ձմեռը սովորաբար երկար չի տևում: Տեղումների արտահայտված սեզոնը փոփոխական է: Դեպի Իջևանի պատմաերկրագիտական թանգարան տուրերի սեզոնայնությունը կախված է եղանակային պայմաններից:
Այստեղ կարելի է գտնել 1918 թ. արտադրության դազգահ, որն օգտագործել են Քարվանսարայի և Շամշադինի պարտիզանները, ռադիոընդունիչ, որը Իոսիֆ Ստալինը նվիրել է առաջինը Բեռլին մտած տանկիստին։ Ռուս տանկիստն ապրել է Թիֆլիսում և Կալինինգրադ տեղափոխվելիս նվիրել այն իր հայ հարևանին։ Այնուհետև այս հայը վերահաստատվելով Իջևանում` ռադիոընդունիչը հանձնել է թանգարանին:
Բակում տեղ գտած թնդանոթներից մեկը պատրաստվել է 1906 թ։ Պետերբուրգում, մասնակցել է առաջին համաշխարհային պատերազմին և հեղափոխական կռիվներին, իսկ երկրորդը` պատրաստված 1927 թ․ Եկատերինբուրգում, մասնակցել է երկրորդ աշխարհամարտին։
Իջևանի պատմաերկրագիտական թանգարանում կան իրեր, որոնք պատկանում են մ.թ.ա 3-2-րդ հազարամյակին, ինչպես նաև ուրարտական դարաշրջանին:
ԻՋԵՎԱՆԻ ԳԻՆՈՒ ԳՈՐԾԱՐԱՆ
1 կմ
ԳՈՇԱՎԱՆՔ ՎԱՆԱԿԱՆ ՀԱՄԱԼԻՐ
24 կմ
ԴԻԼԻՋԱՆԻ ԱԶԳԱՅԻՆ ՊԱՐԿ
31 կմ