Ճանապարհորդությունը դեպի Հայաստան հաճելի և հետաքրքրաշարժ արկած է, որի մասին հիշողությունները դեռ երկար կջերմացնեն Ձեզ: Անկասկած, Դուք կցանկանաք Ձեզ հետ տանել մի բան, որը կհիշեցնի Հայաստանի հյուրընկալ մթնոլորտի և յուրահատուկ ոգու մասին: Իսկ ինչո՞ւ չտանել հետաքրքիր մի բան բարեկամների համար: Անշուշտ, Դուք կցանկանաք կիսվել տպավորություններով ընկերների և ընտանիքի հետ, իսկ Ձեր պատմությունները ավելի կգեղեցկացնեն ուղևորությունից բերած հուշանվերները: Այսպիսով, փորձենք միասին հասկանալ թե ինչ ընտրել:
![Հայկական նուռ Հայկական նուռ](https://onewaytour.com/wp-content/uploads/2019/12/1.jpg)
![Հայկական ազգային տիկնիկներ Հայկական ազգային տիկնիկներ](https://onewaytour.com/wp-content/uploads/2019/12/2.jpg)
Ի՞նչ հուշանվեր կարելի է տանել Հայաստանից՝ կնոջ համար
Իհարկե, զարդերն ամենից ցանկալի նվերները կլինեն աղջիկների և կանանց համար: Խոսքը ինչ-որ ստանդարտ բանի մասին չէ, այլ հեղինակային ստեղծագործությունների, որոնք պատրաստված են ընդամենը մի քանի օրինակով, կամ ընդհանրապես եզակի են: Դարեր շարունակ հայ ոսկերիչները հայտնի էին զարդերի պատրաստման արվեստով: Այստեղ Դուք կարող եք գնել յուրահատուկ արծաթե և ոսկե իրեր բավականին մատչելի գներով: Հետաքրքիր այլընտրանք կարող են լինել ազգային ոճով պայուսակները կամ սփռոցները: Կարող եք ձեռք բերել նաև արհեստավորների ձեռքով պատրաստված փոքրիկ գորգեր կամ բնօրինակ կավե սպասք:
![Հայկական զարդեր Հայկական զարդեր](https://onewaytour.com/wp-content/uploads/2019/12/4.jpg)
![Ազգային նվերներ կնոջ համար Ազգային նվերներ կնոջ համար](https://onewaytour.com/wp-content/uploads/2019/12/3.jpg)
Ի՞նչ հուշանվեր կարելի է տանել Հայաստանից՝ տղամարդու համար
Թերևս Հայաստանի հետ կապված հիմնական ասոցիացիաներից մեկը հայկական կոնյակն է: Գրեթե ցանկացած խոշոր խանութում կարող եք գտնել կոնյակի և գինու լայն տեսականի: Կարող եք ձեռք բերել նաև ալկոհոլային խմիչքները նվերների տեսքով՝ հատուկ ձևավորմամբ: Մեկ այլ յուրահատուկ նվեր, որը հիանալի խորհրդանշում է Հայաստանը, կարող է լինել տեղական երաժշտական գործիք` դուդուկը, որը վերջին տարիներին մեծ ճանաչում է վայելում ամբողջ աշխարհում: Իսկ եթե ցանկանում եք անակնկալ մաատուցել կարող եք նվիրել ձեռագործ շախմատ կամ նարդի:
![Ձեռագործ շախմատ Ձեռագործ շախմատ](https://onewaytour.com/wp-content/uploads/2019/12/5.jpg)
![Դուդուկ Դուդուկ](https://onewaytour.com/wp-content/uploads/2019/12/6.jpg)
Ի՞նչ հուշանվեր կարելի է տանել Հայաստանից՝ երեխայի համար
Ըստ Ձեզ ի՞նչը ամենից շատ կարող է ուրախացնել երեխաներին: Իհարկե, համեղ ուտեստները: Հայաստանը առաջարկում է Ձեզ լայն ընտրության: Թերևս ամենամեծ տեսականին կարելի է գտնել տեղական շուկաներում, որտեղ զբոսաշրջիկները հաճախ այցելում են հատուկ քաղցրավենիքի համար: Ձեզ կառաջարկեն բոլոր տեսակի մրգեր և չրեր, որոնցից մի քանիսի մասին հնարավոր է որ երբևէ չեք էլ լսել, մրգերից պատրաստված քաղցր լավաշ և սուջուխ: Տեղական հրուշակեղենի գործարանները արտադրում են նաև բնօրինակ շոկոլադներ ընկույզի և չրերի համադրությամբ, որոնք կարելի է ձեռք բերել Երևանի խանութներում:
![Հայկական քաղցրավենիք Հայկական քաղցրավենիք](https://onewaytour.com/wp-content/uploads/2019/12/7.jpg)
![Հայկական շոկոլադ Հայկական շոկոլադ](https://onewaytour.com/wp-content/uploads/2019/12/8.jpg)
Ի՞նչ հուշանվերներ կարելի է գնել Երևանի Վերնիսաժից
Երևանի կենտրոնում գտնվող բացօթյա տոնավաճառը՝ Վերնիսաժը, զբոսաշրջիկների կողմից սիրված վայրերից մեկն է: Այստեղ Դուք կարող եք ձեռք բերել վերոնշյալ բոլոր նվերները և նույնիսկ ավելին: Վարպետների աշխատանքների հետ մեկտեղ Վերնիսաժում վաճառվում են հին մետաղադրամներ, սպասք և հնաոճ իրեր: Այստեղ կարող եք նաև գնել «հրաբխային ապակուց»՝ օբսիդիանից պատրաստած իրեր:
![Վերնիսաժ Վերնիսաժ](https://onewaytour.com/wp-content/uploads/2019/12/9.jpg)
![Վերնիսաժ Վերնիսաժ](https://onewaytour.com/wp-content/uploads/2019/12/10.jpg)
Այս քարը շատ տարածված է Հայաստանում, և արհեստավորները գրեթե ամեն բան պատրաստում են դրանից՝ բնօրինակ մոխրամաններից և դեկորատիվ ծաղկամաններից մինչև գրասենյակային պարագաներ և զարդեր: Վերնիսաժով զբոսնելիս Դուք կարող եք ոչ միայն նվերներ ընտրել ցանկացած սեռի և տարիքի մարդկանց համար, այլև տեսնել շատ հետաքրքիր բաներ, և պարզապես հիանալ մետաղից, փայտից, կավից և քարից պատրաստված իրերով:
![Ազգային գորգեր և կարպետներ Ազգային գորգեր և կարպետներ](https://onewaytour.com/wp-content/uploads/2019/12/11.jpg)
![Ձեռագործ իրեր Ձեռագործ իրեր](https://onewaytour.com/wp-content/uploads/2019/12/12.jpg)
Պատվիրեք ներգնա տուր փաթեթներ, անհատական էքսկուրսիոն տուրեր և ամենօրյա կանոնավոր տուրեր ONE WAY TOUR տուրիստական ընկերությունում և մենք կօգնենք Ձեզ բացահայտել Հայաստանը: