Սևան, Դիլիջան, Հաղարծին, Գոշավանք, Պարզ լիճ

★ 4,7 95% խորհուրդ են տալիս (566 Կարծիքներ) Երևան, Սևան, Դիլիջան

Խմբային տուր դեպի Սևանա լիճ, Դիլիջան, Հաղարծին, Գոշավանք և Պարզ լիճ՝ բնության տեսարաններով, հին քաղաքի հմայքով և միջնադարյան վանքերով։

08:30 – 19:00 · Ամբողջ օր Հայերեն, Անգլերեն, Ռուսերեն Տրանսֆեր Անվճար չեղարկում՝ մեկնումից առնվազն 24 ժամ առաջ։ 24 ժամից պակաս ժամանակ մնալու դեպքում վերադարձվում է գումարի 50%-ը։ Տուրի մեկնարկից հետո գումարը չի վերադարձվում։

Տուրի մասին

Բացահայտեք Սևանի, Դիլիջանի ու Տավուշի բնության լավագույն անկյունները մեկ ուղևորության ընթացքում։ Երթուղին միավորում է Սևանա լիճը, Հին Դիլիջան համալիրը, Հաղարծինն ու Գոշավանքը, ինչպես նաև հանգիստը Պարզ լճի ափին։

Խնդրում ենք նկատի ունենալ. Ձմռանը՝ եղանակային անբարենպաստ պայմաններից և անվտանգության նկատառումներից ելնելով, այցելություն Հաղարծին և Պարզ լիճ կարող է անհնար լինել։

Երթուղի

1 09:30 Սևանա լիճ

Ծովի մակարդակից շուրջ 1,900 մետր բարձրության վրա գտնվող Սևանը Հայաստանի ամենամեծ քաղցրահամ լիճն է։ Լեռներով շրջապատված այս ավազանն աչքի է ընկնում իր փոփոխական երանգներով․ օրվա լույսից կախված՝ ջրի գույնը ստանում է մուգ կապույտից մինչև փիրուզագույն Երանգներ։ Այս կանգառի ընթացքում կարող եք վայելել լճի և շրջակա բնապատկերների համայնապատկերային տեսարանները։

Ցույց տալ քարտեզի վրա Վայրի մասին

2 10:20 Սևանավանք վանք

9-րդ դարում հիմնադրված Սևանավանքը գտնվում է Սևանի թերակղզում։ Վանական համալիրը հայտնի է մուգ հրաբխային քարով կառուցված իր երկու եկեղեցիներով՝ Սուրբ Առաքելոցով և Սուրբ Աստվածածնով։ Քարե աստիճաններով բարձրանալով վանք՝ կարող եք ծանոթանալ միջնադարյան ճարտարապետությանն ու վայելել լճի և շրջակա լեռների տպավորիչ համայնապատկերը։

Ցույց տալ քարտեզի վրա Վայրի մասին

3 11:10 Սննդային կանգառ

Տուրի ընթացքում նախատեսված է դադար՝ ճաշելու և հանգստանալու համար։

Նշում․ Ճաշի արժեքը ներառված չէ տուրի գնի մեջ (իրականացվում է սեփական միջոցներով)։

Ցույց տալ քարտեզի վրա Վայրի մասին

4 12:55 Գոշավանք վանք

12-րդ դարի վերջում հիմնադրված Գոշավանքը միջնադարյան Հայաստանի կրթական ու մշակութային խոշոր կենտրոններից է՝ սերտորեն կապված Մխիթար Գոշի անվան հետ։ Վանական համալիրը գտնվում է Գոշ գյուղում՝ Տավուշի անտառապատ բլուրների գրկում։ Այստեղ կարող եք տեսնել քարաշեն եկեղեցիներն ու հայկական քանդակագործության գլուխգործոց համարվող նրբակերտ խաչքարերը։

Ցույց տալ քարտեզի վրա Վայրի մասին

5 14:05 Հաղարծին վանք

Դիլիջանի անտառապատ լեռներում թաքնված Հաղարծինը 10-13-րդ դարերի միջնադարյան վանական համալիր է։ Այն ներառում է քարաշեն եկեղեցիներ, պատմական սեղանատունն ու նրբակերտ ճարտարապետական դետալներ, որոնք ներդաշնակորեն ձուլվում են շրջակա բնությանը։

Նշում․ Ձմռանը՝ եղանակային պայմանների և անվտանգության նկատառումներից ելնելով, այս կանգառը հնարավոր է ներառված չլինի երթուղում։

Ցույց տալ քարտեզի վրա Վայրի մասին

6 15:25 Պարզ լիճ

Դիլիջան ազգային պարկի խիտ անտառներում թաքնված Պարզ լիճն աչքի է ընկնում իր հանդարտ ջրերով, որոնցում արտացոլվում են շրջակա ծառերն ու տարվա եղանակների գույները։ Այստեղ կարող եք զբոսնել լճափով, վայելել անտառային թարմ օդն ու լիցքաթափվել բնության գրկում։

Ցույց տալ քարտեզի վրա Վայրի մասին

7 16:35 Հին Դիլիջան Համալիր

Շարամբեյան փողոցում գտնվող «Հին Դիլիջան» համալիրը ներկայացնում է քաղաքի ավանդական ճարտարապետական դիմագիծը՝ փայտե նախշազարդ պատշգամբներով ու քարե ճակատներով։ Սալահատակ փողոցով զբոսնելիս կարող եք ծանոթանալ տեղական արհեստներին, ընտրել հուշանվերներ և վայելեք պատմական քաղաքի կոլորիտային մթնոլորտը։

Ցույց տալ քարտեզի վրա Վայրի մասին

Ի՞նչ է ներառված

Զբոսավարի ծառայություն (օտարախոս մասնակիցների առկայության պարագայում տուրը կանցկացվի երկու լեզվով)
Տրանսպորտ
Շշալցված ջուր

Սնունդ

Տրանսֆեր & Կարևոր տեղեկություն

Հանդիպման վայր: 1 Sayat-Nova Ave, Yerevan 0010, Հայաստան · Ցույց տալ քարտեզի վրա

Մեկնման ժամ: 08:30

Չեղարկման պայմաններ: Անվճար չեղարկում՝ մեկնումից առնվազն 24 ժամ առաջ։ 24 ժամից պակաս ժամանակ մնալու դեպքում վերադարձվում է գումարի 50%-ը։ Տուրի մեկնարկից հետո գումարը չի վերադարձվում։

Հաճախ տրվող հարցեր

Այս տուրը որ օրերին է իրականացվում?

Այս մեկօրյա խումբային տուրն իրականացվում է միայն շաբաթ և կիրակի օրերին։

Տուրը քանի՞սին է սկսվում և քանի՞սին է ավարտվում?

Տուրը սկսվում է 08:30-ին և ավարտվում է մոտավորապես 19:00-ին։

Քանի՞ ժամ առաջ պետք է ներկայանամ մեկնարկի վայր?

Անհրաժեշտ է տուրին ներկայանալ մեկնարկի ժամից 15 րոպե առաջ։

Սա մեկօրյա՞ տուր է, թե՞ գիշերակաց կա?

Սա մեկօրյա տուր է և գիշերակաց նախատեսված չէ։

Ի՞նչ վայրեր ենք այցելելու այս տուրի ընթացքում?

Ծրագրում ներառված են Սևանա լիճը, Սևանավանքը, Հաղարծնի վանական համալիրը, Գոշավանքը, Դիլիջանը և Պարզ լիճը։ Այցելությունները կատարվում են երթուղու հերթականությամբ։

Սևանա լճում նավարկություն լինելու՞ է?

Ըստ խմբի ցանկության Սևանա լճում կարող է կազմակերպվել նավարկություն։ Մանրամասների համար խնդրում ենք ճշտել օպերատորի հետ։

Ճանապարհին սննդի կանգառ լինելո՞ւ է?

Այո, ծրագրում նախատեսված է սննդի կանգառ։ Սնունդը տուրի արժեքի մեջ ներառված չէ։

Տրանսպորտը ինչպիսի՞ն է լինելու?

Տուրն անցկացվում է հարմարավետ միկրոավտոբուսով կամ ավտոբուսով՝ կախված խմբի քանակից։

Տրանսպորտում տեղերը նախապես ամրագրվո՞ւմ են?

Տրանսպորտում նախապես տեղեր չեն ամրագրվում, խորհուրդ ենք տալիս մոտենալ տուրի մեկնարկից շուտ։

Տրանսպորտում Wi‑Fi կա՞?

Տրանսպորտում սովորաբար Wi‑Fi չկա, սակայն երթուղու մեծ մասում բջջային ինտերնետը հասանելի է։

Գիդը ի՞նչ լեզուներով է խոսում?

Տուրերն անցկացվում են հայերեն, ռուսերեն և անգլերեն լեզուներով։ Եթե խմբում օտարախոս մասնակիցներ կան, գիդը կարող է խոսել երկու լեզվով։