Հատուկ առաջարկ

Հովազավրով արշավ դեպի Ակնալիճ

Կարծիքներ

Խենթություններն այս անգամ մեզ ուղեկցելու են դեպի Գեղամա լեռներ։

Մեր նպատակակետը Ակնալիճն է․ ջրամբար, որը գտնվում է Կոտայքի և Գեղարքունիքի մարզերի սահմանագլխին։ Այն ընդգրկվել է բնության պետական հուշարձանների ցանկում։ Ուղղությունը կսկսենք Սևաբերդ գյուղից դեպի Ակնալիճ, կունենանք ազատ ժամանակ տարածքում և, ըստ ցանկության, կբարձրանանք ափի մոտ գտնվող Ակնասար։ Ճանապարհի մի հատվածը կանցնենք Հայաստանում առաջին և միակ ամենագնաց տուրիստական ավտոբուսով՝ Հովազավրով, ինչն էլ արշավային այս տուրը կդարձնի էլ ավելի հետաքրքիր և հիշարժան:

Հ.Գ. Միջին բարդության քայլարշավի երկարությունն է 8 կմ: Մասնակիցներին խորհուրդ է տրվում լինել քայլարշավային կոշիկներով, հարմարավետ հագուստով, կրել պաշտպանիչ գլխարկ, ակնոց, ունենալ 1 օրվա համար անհրաժեշտ սնունդ և ջուր (2-3 լ), տաք հագուստ, փոխնորդ կոշիկներ, ձեռնափայտեր, դեղատուփ, անձրևապաշտպան թիկնոց և լապտեր: