Գրիգորի Գաբրիելյանցի անվան երկրաբանության պետական թանգարանը գործում է 2014 թվականի մայիս ամսից։ Այստեղ ցուցադրվում են Արցախից հավաքագրված երկրագիտական հետաքրքիր նմուշներ, մասնավորապես` հանքաքարեր և այլևայլ օգտակար հանածոներ, որոնցից ամենահինը 146 մլն տարեկան է։ Թանգարանում ներակայցված են նաև աշխարհից բերված զանազան երկրագիտական նմուշներ` ամենահինը 1 մլրդ 200 մլն տարեկան է։ Թանգարանի հավաքածուում կա 400 նմուշ 48 պետություններից և ՌԴ 20 երկրամասերից` հիմնականում Գ. Ա. Գաբրիելյանցի անձնական հավաքածուից:
Ներկայացված ապարներից Արցախի համար կարևոր է, օրինակ, կրաքարը: Գիդ-ֆոնդապահ Եվգենիա Համբարձումյանի խոսքով` հենց կրաքարից է կառուցված Արցախի մայրաքաղաք Ստեփանակերտի շենքերի մեծ մասը:
Այստեղ պահվող ցուցանմուշներից առավել հետաքրքիր են նաև Ասկերանի Աստղաշեն համայնքում հանդիպող «քարե աստղերը»: Արցախի երկրաբանական պատկերը վկայում է, որ միլիոնավոր տարիներ առաջ տարածքը եղել է ամբողջությամբ ջրածածկ և համաշխարհային օվկիանոսի մաս է կազմել:
Թանգարանում ներկայացված է նաև «ամետիստ» քարը: Ավանդություններում այն անվանում են «չարբելու քար» ու դրանց համաձայն, ամետիստից պատրաստված գավաթներով ոգելից խմիչք օգտագործող մարդը երբեք չի կարող արբել:
ՍՏԵՓԱՆԱԿԵՐՏԻ ԵՐԿՐԱԳԻՏԱԿԱՆ ԹԱՆԳԱՐԱՆ
14 կմ
ՀՈՒՇԱՐՁԱՆ «ՄԵՆՔ ԵՆՔ, ՄԵՐ ՍԱՐԵՐԸ»
15 կմ
ՄԱՅՐԱԲԵՐԴ (ԱՍԿԵՐԱՆ)
28 կմ