Բլոգ
ՀԱՅԱՍՏԱՆԻ ԹՈՓ-7 ՀԱՆԳՍՏՅԱՆ ՏՆԵՐԸ
Զբաղեցնելով համեմատաբար փոքր տարածք Հայաստանը տարբերվում է լանդշաֆտային բազմազնությամբ և բնական պայմաններով: Այստեղ կարելի է գտնել ցանկացած տիպի հանգստյան տներ՝ սկսած փոքրիկ հարմարավետ տներից տեղակայված լեռներում մինչև ժամանակակից Եվրոպական ոճի հաստատություններ Սևանի ափին: Այսպիսով, Դուք, անկասկած, կկարողանաք ընտրել 2019 թվականին լիարժեք հանգստի համար լավագույն տարբերակը, որը առավելագույնս կհամապատասխանի Ձեր ցանկություններին և նախասիրություններին: Մենք ներկայացնում ենք Ձեզ Հայաստանի ամենահայտնի հանգստյան տների լավագույն յոթնյակը:
«Կապուտակ Սևան» հանգստյան տուն
«Կապուտակ Սևան» հանգստյան տունը տեղակայված է Սևանի ափին` ծովի մակարդակից 2000 մետր բարձրության վրա: Հյուրերին առաջարկվում են ընդարձակ, գեղեցիկ տեսարաններով լուսավոր սենյակներ, որտեղ պարտադիր առկա են սառնարանն ու ժամանակակից հեռուստացույցը, լոգարանում կա վարսահարդարիչ և կոսմետիկ միջոցների հավաքածու: Համալիրի շրջակայքում կա անվճար կայանատեղի, գիշերային ակումբ, ռեստորան, այգի, բացօթյա պատշգամբ և մասնավոր լողափ: Ցանկության դեպքում կարելի է օգտվել խորովածի պատրաստման հարմարություններից: Ինչպես նաև հնարավոր է վարձակալել ջրային սպորտի համար նախատեսված հանդերձանք:
Ընտանեկան հանգստի համալիր «Ծովասար»
«Ծովասար» համալիրը հարմարավետ և խաղաղ վայր է Սևանա լճի ափին: Դուք կարող եք ընտրել լայնարձակ, լուսավոր և մաքուր սենյակներ կամ դեպի լիճը բացվող հիանալի տեսարաններով անհատական տնակ: Համալիրի տարածքը ներառում է կայանատեղի, մասնավոր լողափ, մանկական խաղահրապարակ, ջեռուցվող և մանկական գոտիով մեծ լողավազան և հենց լճում գտնվող ռեստորան՝ բազմազան խոհանոցով:
«Գրողների ստեղծագործական տուն»
Առողջարանային քաղաք Ծաղկաձորում տեղակայված «Գրողների ստեղծագործական տուն» հանգստյան տունը բավականին հայտնի հանգստավայր է և ունի երկար տարիների պատմություն: Այսօր այն ժամանակակից հաստատություն է` հարմարավետ և լավ կահավորված սենյակներով, որոնք ունեն սեփական լոգարան, հյուրասենայկ, ժամանակակից հեռուստացույց, սառնարան և էլեկտրական թեյնիկ, իսկ պատուհանից բացվում է գեղեցիկ տեսարան դեպի լեռներ: Հյուրանոցում կա ֆիթնես կենտրոն, սաունա, շոգեբաղնիք, բիլիարդ, բար և ռեստորան: Ընդունարանը աշխատում է շուրջօրյա:
«Armenia Wellness & Spa» հյուրանոց
«Armenia Wellness & Spa» հյուրանոցը` Ջերմուկում, Հայաստանի ամենահայտնի հանգստավայրերից մեկն է և հարուստ է աշխարհում հայտնի ջերմային հանքային աղբյուրներով: Ջուրն օգտագործվում է խմելու, ինչպես նաև լոգանքների համար և ապահովում է զգալի թերապևտիկ առողջարարական ազդեցություն: Հանգստյան տունը տեղակայված է գեղատեսիլ վայրում և շրջապատված է լեռներով և կանաչ անտառներով: «Armenia Wellness & Spa»-ի տարածքում գործում է ախտորոշիչ և բուժման կենտրոն, ֆիթնես կենտրոն, ռեստորան և բար:
«Դիլիջան» առողջարանային համալիր
«Դիլիջան» առողջարանային համալիրը տեղակայված է Դիլիջան առողջարանային քաղաքի փարթամ անտառների մեջ, որը հայտնի է իր բնությամբ և բյուրեղյա պարզ լեռնային օդով: Պատուհանից բացվում է պատկերավոր տեսարան դեպի Դիլիջան ազգային պարկ: Այն առաջարկում է փայտե կահույքով և մինիբարով հարմարավետ սենյակներ, սպա, լողավազան, մարզասրահ, մերսման սենյակ, թենիսի կորտեր և բիլիարդի սենյակ: Կա նաև ռեստորան, որտեղ մատուցվում են հայկական խոհանոցի լավագույն կերակրատեսակների լայն ընտրանի: Ընդունարանը աշխատում է շուրջօրյա:
«Արզնի» առողջարան
Արզնի քաղաքը տեղակայված է Երևանի հյուսիսում` 23 կմ հեռավորության վրա: Առողջարանային գոտին ունի սառը կլիմա, մաքուր օդ և հանքային աղբյուրներ: «Արզնի» առողջարանն առաջարկում է հարմարավետ սենյակներ, մասնավոր սանհանգույցով, անվճար ավտոկայանատեղի, խաղահրապարակ, ռեստորան, սպա և առողջության կենտրոն, փակ և բացօթյա լողավազաններով:
«Պարկ Ռեզորտ» Աղվերան
«Պարկ Ռեզորտ» համալիրը գտվում է Աղվերան հանգստավայրում՝ Երևանից 47 կմ հեռավորության վրա: Հանգստայան տունը գտնվում է հեքիաթային կանաչ անտառում և իդեալական է բնության գրկում հանգստանալու համար, հեռու քաղաքային աղմուկից և փոշուց: Հյուրերին առաջարկվում են հարմարավետ սենյակներ, ինչպես նաև անհատական տնակներ բոլոր անհրաժեշտ հարմարություններով:
Համալիրի տարածքում կա սեփական ավտոկայանատեղի, ռեստորան, կարաոկե-բար, բիլիարդ, թենիսի կորտ, ֆուտբոլի և վոլեյբոլի դաշտ, մանկական խաղահրապարակ և մանկական սենյակ: Հասանելի են հավելյալ ծառայություններ:
