Ամբերդ ամրոցն իր խիստ տեսքով արտացոլում է շրջապատող լեռների շքեղությունն ու վեհությունը: 10-րդ դարի սկզբին բերդը և մերձակա շինությունները պատկանում էին հզոր Պահլավունի իշխաններին: Հուշարձանը բաղկացած է իշխանական եռահարկ դղյակից, բերդապարիսպներից, բաղնիքից, փոքր մատուռից, եկեղեցուց, գետնուղիներից: Ամրոցի անառիկ դիրքը էլ ավելի է ամրացվել պարիսպներով և բուրգերով: Հնագիտական պեղումների ժամանակ հայտնաբերված մեծ քանակությամբ գորգի կտորները վկայում են, որ դղյակի պատերը ծածկված են եղել գորգով: Ամրոցի մոակայքում տեղակայված է Վահրամաշեն եկեղեցին, որը կառուցվել է սպարապետ Վահրամ Պահլավունու հովանավորությամբ։
Լավ զարգացած ճանապարհատրանսպորտային պայմանները հնարավորություն են տալիս հասնել Ամբերդ անձնական մեքենայով կամ օգտվելով տարբեր տուրիստական ընկերությունների ծառայություններից, որոնք առաջարկում են կանոնավոր տուրեր դեպի Հայաստանի տարբեր տեսարժան վայրեր։ Ամբերդի աշխարհագրական դիրքի շնորհիվ ճանապարհը երկար չի թվա:
Հաճելի կլիմայական պայմանների շնորհիվ տուրիստական բարձր սեզոնը Հայաստանում բավականին երկար է տևում: Մարտից մինչև խոր աշուն օրերը տաք են, ձմեռը սովորաբար երկար չի տևում: Տեղումների արտահայտված սեզոնը փոփոխական է: Դեպի Ամբերդ տուրերի սեզոնայնությունը կախված է եղանակային պայմաններից:
1930-ական թթ․ Ամբերդում կատարված պեղումները ցույց տվեցին, որ ամրոցն ուներ բազմաթիվ ստորգետնյա մուտքեր, որոնք տանում էին ամրոցից դեպի կիրճ, պաշտպանական անառիկ մի համակարգ և ջրամատակարարման համակարգ:
10-11-րդ դդ․ ամրոցում կառուցվել է սրբատաշ քարերով և ընդհատակյա ջեռուցման համակարգով բաղնիք: Այն գտնվում է իշխանական դղյակի դարպասի մոտ: Բաղնիքն ունի ուղղանկյուն հատակագիծ` հաջորդաբար տեղավորված հանդերձարանով, լողասրահով և ջեռուցման համակարգով: Սենյակներից մեկի պատին նշմարվում են որմնանկարչության հետքեր: Ուշագրավ է այն, որ Ամբերդում լավ է պահպանվել նաև դղյակի ջրահեռացման համակարգը:
ՔԱՐԻ ԼԻՃ
28 կմ
ՍԱՂՄՈՍԱՎԱՆՔ
36 կմ
ՀՈՎՀԱՆՆԱՎԱՆՔ ՎԱՆԱԿԱՆ ՀԱՄԱԼԻՐ
41 կմ