Դիմավորում Զվարթնոց օդանավակայանում և տեղափոխում Երևան։ Ողջույնի ընթրիք ազգային մշակութային ծրագրով (հայկական ազգագրական երգեր և պարեր): Երեկոյան զբոսանք Երևանի կենտրոնում. Հյուսիսային պողոտայով կհասնենք Հանրապետության հրապարակ: Մասնակցություն «Երգող շատրվաններ» շոուին:

Նախաճաշ հյուրանոցում։ Կկատարենք շրջայց Երևան քաղաքում, որի ընթացքում կտեսնենք Հանրապետության Հրապարակը, Կառավարության շենքը, օպերայի և բալետի թատրոնը, Հայաստանի պետական համալսարանը, Նախագահական նստավայրը, կայցելենք Մատենադարան և Կասկադ։ Վերադարձ հյուրանոց։

Նախաճաշ հյուրանոցում։ Կանգ կառնենք Չարենցի Կամարի մոտ։ Այցելություն ժայռափոր Գեղարդավանք,  որը ընդգրկված է ՅՈՒՆԵՍԿՕ-ի Համաշխարհային Մշակութային Արժեքների ցանկում։ Կմասնակցեք հայկական ավանդական հացի՝ լավաշի թխելու արարողությանը։ Այցելություն Գառնիի հեթանոսական տաճար։ Կտեսնենք նաև Հրաշք քարանձավ-թանգարանը, որն ունի 21 մ խորություն և 7 սենյակ։ Վերադարձ Երևան։

Նախաճաշ հյուրանոցում։ Այց դեպի Սարդարապատի հերոսամարտի հուշահամալիր։ Կմեկնենք Էջմիածին, կայցելենք Էջմիածնի Մայր տաճարը, Սուրբ Գայանե և Սուրբ Հռիփսիմե եկեղեցիները։ Վերադարձի ճանապարհին կայցելենք Զվարթնոցի տաճարը։

Նախաճաշ հյուրանոցում։ Մեկնում դեպի Խոր Վիրապի վանք։ Վանական համալիրից բացվում է անկրկնելի տեսարան դեպի Արարատ լեռը։ Հաջորդ կանգառը կլինի «Թռչունների» քարանձավի մոտ, որտեղ վերջերս հայտնաբերել են աշխարհի հնագույն կոշիկն ու 6000 տարեկան գինեգործարանը: Կայցելենք նաև Նորավանք վանական համալիրը, որը հայ ճարտարապետության գլուխգործոցն է։ Տեղի գինիները համտեսելուց հետո կմեկնենք Սյունիքի մարզ։

Նախաճաշ հյուրանոցում։ Կմեկնենք անկրկնելի բնությամբ և պատմական մեծ արժեք ներկայացնող հին քարանձավային բնակատեղի ՝ Հին Խնձորեսկ։ Այց դեպի Տաթևի վանական համալիր, ուր կբարձրանանք Տաթևեր ճոպանուղիով։ Կայցելենք Քարահունջ կամ Զորաց Քարեր նախապատմական մեգալիթյան կառույցը, որը աշխարհի հնագույն աստղադիտարան և պատմամշակութային արգելոցի կարգավիճակ ունեցող հատուկ տարածք է։ Կմեկնենք Ջերմուկ։

Նախաճաշ հյուրանոցում։ Ջերմուկի բուժիչ հանքային ջրերը և անկրկնելի բնությունը վայելելուց հետո կմեկնենք Սևանա լիճ։ Այց Նորատուս, Հայրավանք և Սևանավանք։ Վերադարձ Երևան։

Նախաճաշ հյուրանոցում։ Մեկնում ենք Հայաստանի ամենաչքնաղ անկյուններից մեկը՝ Դիլիջան առողջարանային քաղաք, որտեղ գտնվում է Դիլիջանի ազգային պարկը։ Պարզ լիճը Ձեզ կկլանի իր գեղեցկությամբ։ Լճի ջուրը թափանցիկ է, կանաչավուն երանգով, ու կրում է իր մեջ լիճը շրջապատող սաղարթախիտ անտառի արտացոլանքը:

Նախաճաշ հյուրանոցում։ Այց Ապագա Ռեզորթ, որտեղ հմուտ մասնագետները կծանոթացնեն Ձեզ ձիավարության հիմունքներին։ Վերադարձ Երևան։

Նախաճաշ հյուրանոցում։ Տեղափոխում օդանավակայան։