wanna check in?

      Ամենօրյա տուրերի և ընդհանուր հարցումների համար

      +374 94 362131

      +374 91 362131

      +374 41 362131

      +374 11 362131

      Ներգնա տուր փաթեթների համար

      +374 41 362131

      Արտագնա տուր փաթեթների համար

      +374 11 362131

      +374 98 362131

      7 ՏԵՍԱՐԺԱՆ ՎԱՅՐԵՐ ԿԱՊԱՆՈՒՄ ԵՎ ՆՐԱ ՇՐՋԱԿԱՅՔՈՒՄ

      04.10.20

      Կապանը (նախկին անվանումը՝ Ղափան) փոքր քաղաք է Հայաստանի հարավում: Բնակավայրը գտնվում է մայրաքաղաքից բավականին հեռու, ճանապարհորդությունն այստեղ կտևի մոտ 6-7 ժամ: Այնուամենայնիվ, Կապանն անկասկած արժե այցելել: Քաղաքը շրջապատված է խիտ անտառներով: Կլիման այստեղ մեղմ է, մերձարևադարձային. ձմռանը հազվադեպ են լինում ուժեղ սառնամանիքներ, իսկ փետրվարից ջերմաստիճանը զրոյից բարձր է: Կապան քաղաքը բազմադարյա պատմություն ունի: Պատմական Կապանը մասամբ պահպանվել է ժամանակակից քաղաքի կենտրոնից մոտ 7 կմ հեռավորության վրա: Այսպիսով, ո՞ր վայրերը արժե այցելել այսօր Կապանում:

      Կապան

      Կապան

       

      Բաղաբերդ

      Բաղաբերդը (Կապանի ամրոցը) պատմական տեսարժան վայր է, որը գտնվում է Կապան և Քաջարան քաղաքների միջև, մոտ 200 մ բարձրություն ունեցող բլրի վրա: Հինավուրց կառույցը հիմնադրվել է 3-4 դարերում: Ծաղկման տարիներին, Բաղաբերդը Սյունիքի հայկական թագավորության կենտրոնական կառույցնեից մեկն էր: Ցավոք, այսօր պահպանվել են հիմնական պատի և շենքերի միայն որոշ հատվածներ:

      Բաղաբերդ

      Բաղաբերդ

       

      Հալիձորի բերդ

      17-րդ դարում կառուցված Հալիձորի բերդը Կապանի գլխավոր տեսարժան վայրերից մեկն է: Հալիձորը գտնվում է քաղաքից ոչ հեռու ՝ Ողջի գետի մոտակայքում գտնվող բարձր բլրի վրա: Սկզբնապես այստեղ հիմնադրվել է վանք, բայց հետագայում համալիրը վերակառուցվել է բերդի: Տեղական լանդշաֆտի առանձնահատկությունների և ճշգրիտ ճարտարապետական լուծումների շնորհիվ Հալիձորը համարվում էր այս տարածքի անառիկ ամրոցներից մեկը:

      Հալիձորի բերդ

      Հալիձորի բերդ

       

      Զիփլայն

      Եթե էքստրիմի սիրահար եք, ապա, անշուշտ, պետք է Կապանի zipline-ով թռիչք կատարեք: Տեսարժան վայրի յուրահատկությունն այն է, որ zipline-ի գիծը անցնում է հենց քաղաքով: Մոտ հազար մետր թռչելով՝ Դուք կարող եք տեսնել քաղաքի համայնապատկերը, ինչպես նաև հիանալ լեռների և Ողջի գետի գեղատեսիլ տեսարանով։

      Կապանի զիփլայնը

      Կապանի զիփլայնը

       

      Վահանավանք

      Վահանավանք վանական համալիրը գտնվում է Կապանից մոտ 5 կմ հարավ-արևմուտք: Վահանավանքը հիմնադրվել է 10-րդ դարում, իսկ իր անունը ստացել է հիմնադրի՝ իշխանի որդի Վահանի պատվին: Ավելի ուշ ՝ 11-րդ դարում, համալիրը մասամբ վերակառուցվել է: Որոշ ժամանակ Վահանավանքը ծառայել է որպես պանթեոն տեղի արքայական ընտանիքների անդամների համար:

      Վահանավանք

      Վահանավանք

       

      Սուրբ Մեսրոպ Մաշտոց եկեղեցի

      Սուրբ Մեսրոպ Մաշտոց եկեղեցին կարելի է համարել Կապանի ժամանակակից, բայց միաժամանակ ոչ պակաս նշանակալի տեսարժան վայրերից մեկը: Եկեղեցին կառուցվել է 2001 թվականին և ներկայիս հոգևոր կենտրոն է: Սուրբ Մեսրոպ Մաշտոց եկեղեցու շենքը նախագծված է հայկական եկեղեցական ճարտարապետության ավանդական ոճով:

      Սուրբ Մեսրոպ Մաշտոց եկեղեցի

      Սուրբ Մեսրոպ Մաշտոց եկեղեցի

       

      Կապանի պատմության թանգարան

      Կապանի պատմության թանգարանի հարուստ ցուցասրահում Ձեզ հնարավորություն կընձեռվի շատ հետաքրքիր տեղեկատվություն ստանալ այս հնագույն տարածքի մասին: Կապանի մասին առաջին հիշատակումը թվագրվում է V դարով: Թանգարանում պահպանվում են միջնադարյան բազմաթիվ եզակի հնագիտական գտածոներ։

      Կապանի պատմության թանգարան

      Կապանի պատմության թանգարան

       

      Խուստուփ լեռ

      Եթե բացօթյա ակտիվ հանգստի սիրահար եք, ապա, միանշանակ, խորհուրդ ենք տալիս բարձրանալ Խուստուպ լեռը: Իհարկե, արշավը պահանջում է որոշակի ֆիզիկական պատրաստվածություն: Այնուամենայնիվ, գեղատեսիլ տեսարաններն ու լեռնային շքեղ բնությունը, որոնք կտեսնեք ճանապարհին, անկասկած կարդարացնեն բոլոր ջանքերը:

      Խուստուփ լեռ

      Խուստուփ լեռ

       

      Պատվիրեք ներգնա տուր փաթեթներ, անհատական էքսկուրսիոն տուրեր և ամենօրյա կանոնավոր տուրեր ONE WAY TOUR տուրիստական ընկերությունում և մենք կօգնենք Ձեզ բացահայտել Հայաստանը:

      ԱԿՏԻՎ ՏՈՒՐԵՐ 2020