wanna check in?

          ՎԱՆ ԵՎ ԱՐԵՎՄՏՅԱՆ ՀԱՅԱՍՏԱՆ

          Սկիզբ: 26.05.2017 / 06:00
          Ավարտ: 28.05.2017 / 23:00
          62.000 AMD
          ՆԿԱՐԱԳԻՐ

          ՕՐ 1- ԱՆԱՌԻԿ ԿԱՐՍՆ ՈՒ ՎԵՀԱՇՈՒՔ ՄԱՍԻՍԸ
          Մեկնում՝ Երևան-Ախալքալակ- Չըլդըր
          -Ծովակն Հյուսիսոյ լիճ,
          -Կարս (Կարուց բերդ, Վարդանի կամուրջ, Սբ. Առաքելոց եկեղեցի,

          Չարենցի տուն, Հայկական տներ),
          -Արարատ լեռան լանջեր,
          -Դարոյնքի բերդ,
          Բայազեդ (գիշերակաց)

          ՄԱՆՐԱՄԱՍՆ՝ Ճանապարհ ընկնելով Երևանից և անցնելով Բավրայի անցակետով՝ մուտք ենք գործում Ջավախք

          աշխարհ, որտեղից էլ, հատելով թուրք-վրացական սահմանը, անցնում ենք չնաշխարհիկ Ծովակն լճի ափերով՝

          ուղի բռնելով դեպի հայոց թագավորների բերդաքաղաքը՝ Կարս: Առանձնահատուկ է ուղևորությունը դեպի Կարս,

          որտեղ մեզ հայկական պատմության և փառավոր, և տխուր էջերն են սպասում: Կարուց բերդն իշխում է ոչ միայն

          քաղաքի վրա, այլ նաև շրջակայքի: Դարերի ընթացքում կարևոր դեր ունեցած այս բերդը վսեմաշուք է նաև մեր

          օրերում: Պատրա՞ստ եք գրոհի: Ուրեմն՝ առա՜ջ: Կարուց բերդը հաղթահարելուց հետո ձեր առջև բացվում է երբեմնի

          հայկական հրաշք քաղաքի համայնապատկերը, որտեղ իր ուրույն տեղն ունի տառապյալ, բայց հզոր Սուրբ Առաքելոց

          եկեղեցին՝ փառահեղ, ազդու կոթող՝ իր յուրահատուկ ճակատագրով և բազում-բազում պատմություններով: Իսկ

          Կարսում ինչպե՞ս կարելի է չանցնել Վարդանի կամրջի վրայով, ինչպե՞ս չգնալ այն տունը, որտեղ, ըստ տարածված

          տեղեկությունների, ապրել է մեծանուն գրող Եղիշե Չարենցը: Իհարկե, անպայման պետք է գնալ այդ հետքերով:

          Պետք է վերհիշել «Երկիր Նաիրին» և զգալ նրա ամեն տողը հայկական պատմական հետքը չկորցրած այս քաղաքում,

          որտեղ հինավուրց շենքերի ճակատներից դեռ չեն հասցրել ջնջել հայերեն տառերը: Կարսն ամբողջապես վայելելուց

          հետո շարունակում ենք մեր ճամփան դեպի Մասիսի լանջերին բազմած Դարոյնք (Բայազեդ)՝ ճանապարհին անցնելով

          Իգդիրով և տեսնելով Հայաստանը մյուս կողմից՝ ափի հեռավորության վրա, կանգ առնում Արաքսի ափին: Մասիսի

          լանջերին Մասիսի պես վեհ վեր է խոյանում պատմական մեծագույն նշանակությամբ Դարոյնքի բերդը, որն

          էլ շուտով կհառնի մեր առաջ: OՐ 2- ՎԱՆԱ ԵՐԱԶ

          -Բերկրիի ջրվեժ,
          -Վանի (Տուշպա) բերդ,
          -Ուրարտական թագավորների դամբարան
          -Վանա կատուների բուծարան,
          -Ագռավաքար և Մհերի դուռ,
          -Աղթամար կղզի (Սուրբ Խաչ եկեղեցի, Վանա տառեխ, Վանա լճում լողալ),
          Բայազեդ (գիշերակաց)

          ՄԱՆՐԱՄԱՍՆ՝ Մեր առաջին կանգառը Բերկրիի ջրվեժն է՝ տարբերվող և գերող իր տեսարանով: Բնության այս հրաշալիքը

          շարունակ ձգում է, սակայն պետք է հետևել Բերկրի գետի ալիքներին, որոնք մի քանի տասնյակ կիլոմետրից միախառնվելու

          են հայրենյաց մեկ այլ հրաշքին՝ Վանա լճին, որից ափերից ոչ հեռու էլ մեր հյուրանոցն է: Վան քաղաքում մեզ են սպասում

          Վանա կատուները, փառահեղ Տուշպա ամրոցը, Մհերի դուռը, որը գուցե հենց մենք ենք բացելու: Վանա կատուների

          բուծարանը յուրահատուկ վայր է, որտեղ ոչ միայն կարելի է տեսնել լեգենդար կատուներին, այլ նաև սիրել: Շուտով

          ժամանակն է հաղթահարելու հրաշագեղ Վանա բերդը, որտեղից անիրականի չափ հրաշալի տեսարան է բացվում է

          դեպի Այգեստանն ու Քաղաքամետը, դեպի Վանա կապուտակ ծովը:Այստեղ մեզ համար իր դռներն է բացում ուրարտական

          հպարտ թագավորների դամբարանը: Այնուհետև չփորձե՞նք մագլցել Ագռավաքարը՝ հասնելու Մհերի դռանը, սակայն

          հրաշքներն այսքանով չեն ավարտվում, չէ՞ որ Վանա ծովում մեզ են ճրագով սպասում: Ուղևորվում ենք հրաշագեղ

          Աղթամար կղզի, որտեղ հեռվից իր ողջ շքեղությունն է ցուցադրում Սուրբ Խաչ հոյակապ եկեղեցին, որի մանրաքանդակներն

          ապշեցնող են: Վանա լճում լողալը շատերի երազանքն է, բայց իրականանալի երազանք: Աղոթքից, մոմ վառելուց

          հետո ժամանակն է նաև զգալ և վայելել Վանա ծովի ջուրը: Վանում լողալուց հետո իսկը ժամանակն է

          վայելելու լեգենդար վանա տառեխը՝ հայկական հնչյունների ներքո.. ՕՐ-3 ՀՐԱՇԱԳԵՂ ԱՆԻՆ

          -Բայազետ,
          -Իգդիր,
          -Անի (Մայր Տաճար, Սուրբ Փրկիչ, Առաքելոց, Տիգրան Հոնենց, Գագկաշեն և այլ եկեղեցիներ,

          Սմբատաշեն և Աշոտաշեն պարիսպներ, Պարոնի պալատ, մեհյան և այլ կոթողներ),
          Վերադարձ՝ Կարս-Ախալքալակ-Երևան

          ՄԱՆՐԱՄԱՍՆ՝ Ճանապարհը կրկին Իգդիրով և Բայազեդով դեպի Կարս է: Կարսի մատույցներին հասնելուն

          պես մեր ճամփան թեքվում է դեպի արևելք, դեպի հրաշագեղ Անի: Անգամ հեռվից Անիի ավերակները պատկառելի են,

          կախարդող: Հազար ու մի եկեղեցիների քաղաքում մեզ հիանալի շրջագայություն է սպասվում՝ պատմության

          խորխորատներում քարացած ինքնին մի պատմություն դարձած փառապանծ քաղաքն ուղղակի չի կարող

          անտարբեր թողնել, չի կարող չհուզել: Բոլորին է պարուրում իրարամերժ զգացմունքները՝ հպարտություն

          և ցավ, կիսավեր, հիասքանչ եկեղեցիներ, նախկին փառքի վկայություն:


          Անիից՝ կրկին հետ Երևան՝ Ծովակն Հյուսիսոյի ջինջ ջրերի ափով՝ անմոռանալի հիշողություններով,

          հույզերով, հուշերով, հայրենիքի հողն ու ջուրը՝ շոշափած…Մենք առաջարկում ենք նաև տեղում հավելել տուրեր դեպի՝
          -Մուշ
          -Վարագավանք

          Անի Բերկրիի ջրվեժ Անիի մայր տաճար Վանի բերդ Աղթամար Մհերի դուռ Վարդանի կամուրջ Վանի բերդ

          Մեկնարկի վայր - Երևանի Կոմիտասի անվան Պետական Կոնսերվատորիա

          Հաշվի առնելով, որ տեղերը սահմանափակ են, խնդրում ենք նախօրոք կապվել մեզ հետ և գրանցվել:

          ԳԻՆԸ ՆԵՐԱՌՈՒՄ Է

          1. տրանսպորտի ծառայություն

          2. պրոֆեսիոնալ գիդ-թուրքագետի ծառայություն

          3. բարձրակարգ հյուրանոց

          4. 2 անգամյա սնունդ

          5. մուտքի վճարներ/այլ ծախսեր

          Առանձին հաշվարկվում է 8000 դրամ արժեքով Թուրքիայի մուտքի վիզան:

          ԿԱ՞Ն ՀԱՐՑԵՐ

          Տուրը կհամարվի ամրագրված միայն մեր կողմից հաստատում ստանալու դեպքում

          ԿԻՍՎԵԼ ԸՆԿԵՐՆԵՐԻ ՀԵՏ

          ԿՈՐՊՈՐԱՏԻՎ ՀԱՃԱԽՈՐԴՆԵՐ
          • Գերմանիայի դեսպանություն
            Դեսպանատուն
          • Mothercare
            Մանկական հագուստի խանութ
          • ՎիվաՍել-ՄՏՍ
            Կապի օպերատոր
          • ԱԿԲԱ
            Բանկ
          • Կամուրջ
            Վարկային կազմակերպություն
          • Հնդկաստանի դեսպանատուն
            Դեսպանատուն
          • Ginosi Apartels
            Ապարտելների ցանց
          • Save the Children
            Բարեգործական կազմակերպություն
          • Թերլեմեզյան
            Գեղարվեստի քոլեջ
          • ԱՄՆ-ի դեսպանատուն
            Դեսպանատուն
          • ՎՏԲ
            Բանկ
          • Բիլայն
            Կապի օպերատոր
          • Արաբկիր
            Բժշկական համալիր
          ՆՄԱՆԱՏԻՊ ՏՈՒՐԵՐ