wanna check in?

      “ՀԱՅԱՍՏԱՆԻ ՀՐԱՇՔՆԵՐԸ” 10-ՕՐՅԱ ՏՈՒՐ

      10 օր / 9 գիշեր
      Սկսած 648 USD
      ՆԿԱՐԱԳԻՐ

      Եթե դուք ուզում եք սիրահարվել Հայաստանին առաջին հայացքից և բացահայտել արևային երկրի գաղտնիքները, ապա այս զբոսաշրջային փաթեթը Ձեզ համար է ։ Այս ուղևորությունը ներառում է Հայաստանի առավել հայտնի զբոսաշրջային և տեսարժան վայրերը: Շրջագայության ընթացքում Դուք կարող եք ծանոթանալ հայկական մշակույթին, պատմությանը և խոհանոցին: Սա լավ հնարավորություն է ճանապարհորդել  ժամանակի մեջ,  վերադառնալ հեթանոսության դարաշրջան, ինչպես նաև շփվել տեղի բնակիչների հետ։

      Ժամանում

      Դիմավորում Զվարթնոց օդանավակայանում և տեղափոխում Երևան։ Ողջույնի ընթրիք ազգային մշակութային ծրագրով (հայկական ազգագրական երգեր և պարեր): Երեկոյան զբոսանք Երևանի կենտրոնում` Հյուսիսային պողոտայով կհասնենք Հանրապետության Հրապարակ: Մասնակցություն «Երգող շատրվաններ» շոուին:

      Գիշերակաց: Երևան

      Շրջայց քաղաքում

      Նախաճաշ հյուրանոցում։ Կկատարենք շրջայց Երևան քաղաքում, որի ընթացքում կտեսնենք Հանրապետության Հրապարակը, Կառավարության շենքը, օպերայի և բալետի թատրոնը, Հայաստանի պետական համալսարանը, Նախագահական նստավայրը, կայցելենք Մատենադարան և Կասկադ։ Վերադարձ հյուրանոց։

      Գիշերակաց: Երևան

      Երևան - Գառնի - Գեղարդ - Հրաշք քարանձավ - Երևան

      Նախաճաշ հյուրանոցում։ Կանգ կառնենք Չարենցի Կամարի մոտ։ Այցելություն ժայռափոր Գեղարդավանք,  որը ընդգրկված է ՅՈՒՆԵՍԿՕ-ի Համաշխարհային Մշակութային Արժեքների ցանկում։ Կմասնակցեք հայկական ավանդական հացի՝ լավաշի թխելու արարողությանը։ Այցելություն Գառնիի հեթանոսական տաճար։ Կտեսնենք նաև Հրաշք քարանձավ-թանգարանը, որն ունի 21 մ խորություն և 7 սենյակ։ Վերադարձ Երևան։

      Գիշերակաց: Երևան

      Երևան - Սարդարապատ - Էջմիածին - Զվարթնոց - Երևան

      Նախաճաշ հյուրանոցում։ Այց Սարդարապատի հերոսամարտի հուշահամալիր։ Կմեկնենք Էջմիածին, կայցելենք Էջմիածինի Մայր Տաճարը, Սուրբ Գայանե և Սուրբ Հռիփսիմե եկեղեցիները։ Վերադարձի ճանապարհին կայցելենք Զվարթնով տաճար։

      Գիշերակաց: Երևան

      Երևան – Խոր Վիրապ – Արենի – Նորավանք – Գորիս

      Նախաճաշ հյուրանոցում։ Մեկնում դեպի Խոր Վիրապի վանք։ Վանական համալիրից բացվում է անկրկնելի տեսարան դեպի Արարատ լեռը։ Հաջորդ կանգառը կլինի «Թռչունների» քարանձավի մոտ, որտեղ վերջերս հայտնաբերել են աշխարհի հնագույն կոշիկն ու 6000 տարեկան գինեգործարանը: Կայցելենք նաև Նորավանք վանական համալիրը, որը հայ ճարտարապետության գլուխգործոցն է։ Տեղի գինիները համտեսելուց հետո կմեկնենք Սյունիքի մարզ։

      Գիշերակաց: Գորիս

      Գորիս - Հին Խնձորեսկ - Տաթև - Քարահունջ - Ջերմուկ

      Նախաճաշ հյուրանոցում։ Կմեկնենք անկրկնելի բնությամբ և պատմական մեծ արժեք ներկայացնող հին քարանձավային բնակատեղի ՝ Հին Խնձորեսկ։ Այց Տաթևի վանական համալիր, ուր կբարձրանանք Տաթևեր ճոպանուղիով։ Կայցելենք Քարահունջ կամ Զորաց Քարեր նախապատմական մեգալիթյան կառույցը, որ աշխարհի հնագույն աստղադիտարանն  և պատմամշակութային արգելոցի կարգավիճակ ունեցող հատուկ տարածք է։ Կմեկնենք Ջերմուկ։

      Գիշերակաց: Ջերմուկ

      Ջերմուկ - Նորատուս - Հայրավանք - Սևանավանք - Սևան

      Նախաճաշ հյուրանոցում։ Ջերմուկի բուժիչ հանքային ջրերը և անկրկնելի բնությունը վայելելուց հետո կմեկնենք Սևանա լիճ։ Այց Նորատուս, Հայրավանք և Սևանավանք։ Վերադարձ Երևան։

      Գիշերակաց: Սևան

      Սևան - Դիլիջան - Պարզ լիճ

      Նախաճաշ հյուրանոցում։ Մեկնում ենք Հայաստանի ամենաչքնաղ անկյուններից մեկը ՝ Դիլիջան առողջարանային քաղաք, որտեղ գտնվում է Դիլիջանի ազգային պարկը։ Պարզ լիճը կկլանի ձեզ իր գեղեցկությամբ։ Լճի ջուրը թափանցիկ է, կանաչավուն երնագով ու կրում է իր մեջ լիճը շրջապատող սաղարթախիտ անտառի արտացոլանքը:

      Գիշերակաց: Դիլիջան

      Դիլիջան - Ապագա Ռեզորթ - Ձիավարություն - Երևան

      Նախաճաշ հյուրանոցում։ Այց Ապագա Ռեզորթ, որտեղ հմուտ մասնագետները կծանոթացնեն ձեզ ձիավարության հիմունքներին։ Վերադարձ Երևան։

      Գիշերակաց: Երևան

      Մեկնում

      Նախաճաշ հյուրանոցում։ Տեղափոխում օդանավակայան։

      ԳԻՆԸ ՆԵՐԱՌՈՒՄ Է

      •  Հյուրանոցի արժեքը
      •  Տրանսպորտային ծախսերը
      •  Հարկերը
      •  Նախաճաշերը
      •  Ուղեկցող զբոսավարի ծառայությունը
      • Մուտքի տոմսերը
      •  Ողջույնի ընթիք
      •  Խմելու ջուրը մեքենայում

      ԳԻՆԸ ՉԻ ՆԵՐԱՌՈՒՄ

      •  Տեղափոխումը Հայաստան
      •  Ալկոհոլային խմիչքները
      •  Ապահովագրությունը

      ԿԱՐԵՎՈՐ Է

      ԿԱ՞Ն ՀԱՐՑԵՐ

      Տուրը կհամարվի ամրագրված միայն մեր կողմից հաստատում ստանալու դեպքում

      ԿԻՍՎԵԼ ԸՆԿԵՐՆԵՐԻ ՀԵՏ

      ՆՄԱՆԱՏԻՊ ՏՈՒՐԵՐ